ඉරානයේ සහාය නැතිව සිරියා අර්බුදය විසඳිය නොහැකි යැයි එක්සත් ජාතීන්ගේ හිටපු මහ ලේකම් කොෆී අනන් පවසයි.
හිටපු මහ ලේකම්වරයා මේ බව කියා සිටියේ සිරියා අර්බුදය සම්බන්ධයෙන් ස්විට්සර්ලන්තයේ ජිනීවා නුවරදී පැවැති විශේෂ සමුළුවකදීය.
අනන් සමඟ අරාබි ලීගයේ විශේෂ නියෝජිතවරුන් පිරිසක් මෙන්ම එක්සත් ජාතීන්ගේ සංවිධානය සිරියාව වෙනුවෙන් පත් කළ සාම නිරීක්ෂණ කණ්ඩායමට නායකත්වය දුන් ජනරාල් රොබට් මූඞ් ද එම සමුළුවට සහභාගී වූයේය.
”සිරියා අර්බුදය දිනෙන් දින උත්සන්න වෙනවා. ඊට වහා විසඳුමක් අවශ්යයි. අර්බුදය විසඳීමේ කි්රයාවලියට ඉරානයත් සම්බන්ධ කර ගත යුතුයි. සිරියා අර්බුදය විසඳීමට කළ හැකි එකම මාර්ගය එයයි.” යැයි මාධ්යවේදීන් හමුවේ අදහස් දක්වමින් එක්සත් ජාතීන්ගේ හිටපු මහ ලේකම් කොෆී අනන් අවධාරණය කළේය.
සිරියා අර්බුදය විසඳීමට නම් ගෝලීය සමුළුවක් පැවැත්විය යුතු බවත් ඊට ඉරානය සම්බන්ධ කර ගත යුතු බවත් රුසියාව මීට පෙර ප්රකාශ කර තිබුණි. එහෙත් ඇමෙරිකාව ප්රමුඛ සෙසු බටහිර රාජ්යයන් ඊට දැඩි ලෙස විරෝධය පළ කළේය.
පසුගිය මාර්තු මාසයේ සිට මාස 16 කට ආසන්න කාලයක් තිස්සේ පවතින සිරියා අර්බුදය මේ වනවිට උග්ර අතට හැරී ඇති අතර එක්සත් ජාතීන්ගේ සංවිධානය පවසන්නේ රජය සහ කැරැලිකරුවන් අතර පවතින ගැටුම් හේතුවෙන් 15,000 ක් ජීවිතක්ෂයට පත්ව සිටින බවය.
සිරියා අර්බුදයට විසඳුම් සෙවීමට, සිරියා ජනපති බෂීර් අල් අසාද්ගේ රජයටත්, කැරැුලිකාර පාර්ශ්වයටත් සාම සැලැස්මක් හඳුන්වා දුන්නේ කොෆී අනන් සහ අරාබි ලීගය එක් වෙමින්ය.
සිරියා ජනාධිපති සහ කැරැලිකාර පාර්ශ්වයේ එකඟත්වය මත එම සාම සැලැස්ම කි්රයාවට නැංවූයේ පසුගිය අපේ්රල් මාසයේදීය. එහෙත් එය සම්පූර්ණයෙන්ම අසාර්ථක විය.
සාම සැලැස්ම නිසි ලෙස කි්රයාත්මක වන්නේදැයි සෙවීමට සිරියාවට ගිය ජනරාල් රොබට් මූඞ් ප්රමුඛ එක්සත් ජාතීන්ගේ සාම නිරීක්ෂකයෝ ද මීට සති කීපයකට පෙර සිරියාවෙන් පිටවුණහ. එක්සත් ජාතීන්ගේ සංවිධානය පවසන්නේ මේ වනවිට සිරියාවේ සිවිල් යුද්ධයක් හටගෙන ඇති බවය.
ශ්රී ලංකා ඉන්ෂුවරන්ස් ලයිෆ් තම වාර්තාව අභිබවා යමින් මෙරට රක්ෂණ ඉතිහාසයේ දැවැන්තම බෝනස් දීමනාව වන රුපියල් බිලියන 12.5 ක ජීවිත රක්ෂණ බෝනස් දීමනාව 2024 වසර
ශ්රී ලංකාවේ වැදගත් පූජනීය බෞද්ධ ආගමික සිද්ධස්ථානයන් වන කතරගම කිරි වෙහෙර සහ රුහුණු කතරගම මහා දේවාලයේ 2025 ඇසළ උත්සවය, ශාකසාර සබන් සහ ශාකසාර පෞද්ගලික
එදා මෙදාතුර ශ්රී ලාංකීය දේපල වෙළදාම් ක්ෂේත්රයේ දැවැන්තම සහ අති සුඛෝපභෝගී නිවාස සංකීර්ණ ව්යාපෘතිය වන Pentara Residencies තුන්මුල්ල හංදිය ,The Address in Colombo එළි දැක්වීම
ඉරානයේ උදවු නැතිව සිරියා අර්බුදය විසඳන්න බෑ
දයා, සෞදියේ සිට Monday, 25 June 2012 04:38 PM
මැතිතුමණි..! ඔබ නොසිටි නිසා අපට බොහෝ පාඩු සිදු වී ඇත......
මධූ Monday, 25 June 2012 08:53 PM
කොහොමත් මේ රටවල අයට මොළේ නෑ
හීන් මැනිකා Monday, 25 June 2012 09:09 PM
ඊශ්රායලයේ උදවු අපටද?
දහම් Monday, 25 June 2012 09:24 PM
ඇයි? ඇමරිකාවේ උදවු එපාද?