ලොවට තර්ජනයක් වී ඇතැයි පැවැසෙන න්‍යෂ්ටික වැඩසටහන මුල් කොට ගනිමින් ඉරානයට ප‍්‍රහාරයක් එල්ල කිරීමට ඊශ‍්‍රායලය තවමත් තීරණයක් ගෙන නැතැයි ඇමෙරිකානු ආරක්ෂක ලේකම් ලියොන් පැනේටා පවසයි. ඉරානයට හමුදා ප‍්‍රහාරයක් එල්ල කරන්නේ නම් එසේ කළ යුත්තේ අවසන් විකල්පය හැටියට යැයි ද පැනේටා අවධාරණය කරයි. ඔහු මීට සති දෙකකට පෙර ඊශ‍්‍රායලයේ සංචාරයක යෙදී ඉරානය සම්බන්ධයෙන් දීර්ඝ වශයෙන් සාකච්ඡුා පැවැත්වූයේය. ඇමෙරිකාවත්, ඇමෙරිකාවේ රූකඩයක් යැයි ඉරානය විසින් හඳුන්වනු ලබන ඊශ‍්‍රායලයත් චෝදනා කරන්නේ ඉරානය ඔවුන්ගේ න්‍යෂ්ටික වැඩසටහනට මුවා වී පරමාණු බෝම්බ නිපදවන බවය. ඉරානය එම චෝදනා තරයේ ප‍්‍රතික්ෂේප කරන අතර ඔවුන් කියා සිටින්නේ ඔවුන්ගේ න්‍යෂ්ටික වැඩසටහන හුදෙක් රටේ බලශක්ති අවශ්‍යතා සපුරා ගැනීමට කි‍්‍රයාත්මක වන බවය. ඇමෙරිකාව ඉරානයට එරෙහිව ආර්ථික සහ වෙළෙඳ සම්බාධක රැුසක් මේ වනවිට පනවා ඇත. ඊශ‍්‍රායලය පවසන්නේ සම්බාධක දැමීමෙන් පමණක් ඉරානය මට්ටු කළ නොහැකි බවය. මේ අතර ලෙබනනයේ සහ ඉරානයේ කි‍්‍රයාත්මක හිස්බුල්ලා සංවිධානය ලෝකය පුරා ත‍්‍රස්ත කි‍්‍රයාකාරකම් රැුසක් සිදුකිරීමට සැරසෙනවා යැයි ද ඊශ‍්‍රායල බුද්ධි අංශ පවසා ඇත. ඉරාන අර්බුදය විසඳීමට දේශපාලන කි‍්‍රයා මාර්ග අවශ්‍ය බවත් හමුදාමය මැදිහත් වීමක් කළහොත් මැදපෙරදිග කලාපයේ උග‍්‍ර අර්බුදයක් හට ගනු ඇති බවත් ඇමෙරිකානු ආරක්ෂක ලේකම් ලියොන් පැනේටා පෙන්වා දෙයි.