IMG-LOGO

ඉන්දීය හමුදා සේනාංක 2 ක් හිටිහැටියේ රජයට නොදන්වා නවදිල්ලියට ඇවිත්

ඉන්දීය හමුදා සේනාංක දෙකක්, රජයට නොදන්වා ඉකුත් ජනවාරි මාසයේ දිනෙක රාති‍්‍රයේ හිටිහැටියේ නවදිල්ලි අගනුවරට පැමිණීමට උත්සාහ ගත් බවත් එය හමුදා කුමන්ත‍්‍රණයක පෙර නිමිත්තක් විය හැකි බවත් ඉන්දීය පුවත්පත් ඊයේ (4) වාර්තා කළේය. රජයට නොදන්වා ඉන්දීය අගනුවරට පැමිණීමට උත්සාහ ගෙන ඇත්තේ නවදිල්ලි අගනුවරට කිලෝ මීටර් 150 ක් දුරින් පිහිටි හමුදා සේනාංකයක් සහ අග‍්‍රා නුවර කේන්ද්‍රකොට ගෙන පිහිටි ගුවන් හමුදාවට අයත් සේනාංකයකි. සේනාංක නවදිල්ලි අගනුවරට ඇතුළු වීමට උත්සාහ ගත් අවස්ථාවේදී රජය ඒ ගැන දැනුම්වත් වූ බවත් පසුව හමුදා ප‍්‍රධානීන්ගේ අණ පරිදි හමුදා සේනාංක ආපහු හැරී ගිය බවත් ඉන්දීය පුවත් සේවා වාර්තා කරයි. මේ සම්බන්ධයෙන් අදහස් දක්වමින් ඉන්දීය හමුදාව කියා ඇත්තේ ඔවුන් හමුදා අභ්‍යාසයක නියැලූණු බවය. ඉන්දීය ආරක්ෂක ඇමැති ප‍්‍රකාශ කළේ එය පදනම් විරහිත පුවතක් බවත් ඉන්දීය හමුදාව එරට ප‍්‍රජාතන්ත‍්‍රවාදයට එරෙහිව කටයුතු නොකරන දේශපේ‍්‍රමීන් පිරිසක් බවත්ය. ඉන්දීය හමුදාපති විජේ කුමාර් සිං සහ ඉන්දීය රජය අතර මතභේද කිහිපයක් පවතී. එම මතභේද හේතුවෙන් අර්බුදකාරී තත්ත්වයක් ද ඉස්මතු වී ඇත. ඉන්දීය හමුදාවේ අඩුපාඩු ඇති බවත්, හමුදාව දුර්වල තත්ත්වයක පවතින බවත් පවසමින් හමුදාපති ඉන්දීය අගමැති මන්මෝහන් සිංට යැවූ ලිපියක් ප‍්‍රසිද්ධ වීමෙන් ඉකුත් සතියේ තවත් අර්බුදයක් ද හටගත්තේය. එම ලිපිය විපක්ෂ දේශපාලනඥයන් අතටත් අනතුරුව මාධ්‍ය අතටත් පත් වීමෙන් පසුව ඊට විශාල ප‍්‍රසිද්ධියක් හිමි විය. එම සිද්ධිය සම්බන්ධයෙන් ඉන්දීය පාර්ලිමේන්තුව තුළ උග‍්‍ර වාද විවාද පවා ඇති විය.



අදහස් (0)

ඉන්දීය හමුදා සේනාංක 2 ක් හිටිහැටියේ රජයට නොදන්වා නවදිල්ලියට ඇවිත්

ශාන්, සෞධි සිට Thursday, 05 April 2012 12:07 PM

ශ්‍රී ලංකාවට පිටුපාන, කෙනෙහෙළිකම් කරන කාටත් වෙන්නේ ඔයටික තමයි. මේක බෞද්ධ දේශයක්. එය වැනසීමට කිසිවෙකුට හැකියාවක් නැත.

:       0       0

ඔබේ අදහස් එවන්න

 

 
 

මේවාටත් කැමතිවනු ඇති

ශ‍්‍රී ලංකා ඉන්ෂුවරන්ස් ලයිෆ් ජීවිත රක්ෂණ ඔප්පුහිමියන් සඳහා දැවැන්තම බෝනස් දීමනාව ලෙස රු.බිලියන 12.5 ක් ප‍්‍රකාශයට පත් කරයි 2025 ජුලි මස 04 233 0
ශ‍්‍රී ලංකා ඉන්ෂුවරන්ස් ලයිෆ් ජීවිත රක්ෂණ ඔප්පුහිමියන් සඳහා දැවැන්තම බෝනස් දීමනාව ලෙස රු.බිලියන 12.5 ක් ප‍්‍රකාශයට පත් කරයි

ශ‍්‍රී ලංකා ඉන්ෂුවරන්ස් ලයිෆ් තම වාර්තාව අභිබවා යමින් මෙරට රක්ෂණ ඉතිහාසයේ දැවැන්තම බෝනස් දීමනාව වන රුපියල් බිලියන 12.5 ක ජීවිත රක්ෂණ බෝනස් දීමනාව 2024 වසර

ස්වදේශී කොහොඹ කතරගම කිරි වෙහෙර සහ රුහුණු මහා කතරගම දේවාලය 24වන වරටත් ආලෝකමත් කරයි 2025 ජුලි මස 01 757 1
ස්වදේශී කොහොඹ කතරගම කිරි වෙහෙර සහ රුහුණු මහා කතරගම දේවාලය 24වන වරටත් ආලෝකමත් කරයි

ශ්‍රී ලංකාවේ වැදගත් පූජනීය බෞද්ධ ආගමික සිද්ධස්ථානයන් වන කතරගම කිරි වෙහෙර සහ රුහුණු කතරගම මහා දේවාලයේ 2025 ඇසළ උත්සවය, ශාකසාර සබන් සහ ශාකසාර පෞද්ගලික

ශ්‍රී ලාංකීය දේපල වෙලදාම් ක්ෂේත්‍රයේ ප්‍රමුඛතම සමාගම වන  හෝම්ලෑන්ඩ්ස් සමුහය මෙරට ඉතිහාසයේ විශාලතම දේශීය නිවාස ව්‍යාපෘති ආයෝජනය සනිටුහන් කරමින් PENTARA RES 2025 ජුනි මස 26 1175 0
ශ්‍රී ලාංකීය දේපල වෙලදාම් ක්ෂේත්‍රයේ ප්‍රමුඛතම සමාගම වන හෝම්ලෑන්ඩ්ස් සමුහය මෙරට ඉතිහාසයේ විශාලතම දේශීය නිවාස ව්‍යාපෘති ආයෝජනය සනිටුහන් කරමින් PENTARA RES

එදා මෙදාතුර ශ්‍රී ලාංකීය දේපල වෙළදාම් ක්ෂේත්‍රයේ දැවැන්තම සහ අති සුඛෝපභෝගී නිවාස සංකීර්ණ ව්‍යාපෘතිය වන Pentara Residencies තුන්මුල්ල හංදිය ,The Address in Colombo එළි දැක්වීම

Our Group Site