ඇෆ්ගනිස්ථානයේ සිදුවූ හෙලිකොප්ටර් අනතුරකින් ඇමෙරිකානු හමුදා සාමාජිකයින් දෙදෙනකු මියගිය බව ඇමරිකා එක්සත් ජනපද හමුදාව පවසයි.

හෙලිකොප්ටරය බිම දැමීමේ වගකීම ඇෆ්ගනිස්ථාන තලේබාන් සංවිධානය විසින් බාරගෙන ඇති අතර කාබුල් අගනුවරට දකුණින් ලෝගාර් පළාතේදී එය බිම හෙලූ බව ඔවුහු පවසති.

තමන් වෙත ප්‍රහාර එල්ල කිරීමට පැමිණි ඇමෙරිකානු චිනූක් හෙලිකොප්ටරය වෙඩි තබා විනාශ කළ බව තලේබාන් සංවිධානය සඳහන් කර ඇත.

කෙසේවුවද ඇමරිකාව මෙය ප්‍රතික්ෂේප කරමින් පවසන්නේ අනතුරට හේතුව විමර්ශනය කරමින් පවතින බවයි.

ඇෆ්ගන් රජය ද තලේබාන් සංවිධානයේ ප්‍රකාශය ප්‍රතික්ෂේප කර ඇත. 

තලේබාන් සංවිධානය විසින් රඳවාගෙන සිටි බටහිර ප්‍රාණ ඇපකරුවන් දෙදෙනකු සඳහා ඇෆ්ගන් රජය විසින් රඳවාගෙන සිටි තලේබාන් අණදෙන නිලධාරීන් තිදෙනකු හුවමාරු කරගැනීමෙන් දිනකට පසු මෙම අනතුර සිදුව තිබේ.