රජයට එරෙහි විරෝධතා පෙළපාළි පැවැත්වීමේ චෝදනා මත අත්අඩංගුවට ගත් බංග්ලාදේශ විපක්ෂ දේශපාලන කි‍්‍රයාකාරීන් 33 දෙනකුට ඇප ලබා දීම අධිකරණයක් විසින් ප‍්‍රතික්ෂේප කරනු ලැබීමත් සමඟ ඊට එරෙහිව ඊයේ (17) එරට දීපව්‍යාප්ත වැඩ වර්ජනයක් පැවැත්විණි. අධිකරණයේ එම තීන්දුව දේශපාලනික හේතූ මත දෙන ලද්දක් යැයි බංග්ලාදේශ ප‍්‍රධාන විපක්ෂ දේශපාලන කණ්ඩායම වන ‘බංග්ලාදේශ ජනතා පක්ෂය’ චෝදනා කරයි. වැඩ වර්ජනය සංවිධානය කළේ ද එම පක්ෂයයි. වැඩ වර්ජනයට අමතරව නඩු තීන්දුව ප‍්‍රකාශ කිරීමත් සමඟ ඩකා අගනුවර විරෝධතා පෙළපාළි ද පැවැත්විණි. විපක්ෂ ආධාරකරුවෝ පිරිසක් අධිකරණ ශාලව අසලදී වාහන කිහිපයකටත් බස් රථයකටත් පහර දී ගිනි තැබූහ. මීට අමතරව තවත් විපක්ෂ කි‍්‍රයාකාරීහු පිරිසක් මහ ලේකම් කාර්යාල ගොඩනැගිල්ලට ද පහර දෙන්නට වූහ. කලහකාරීව හැසිරුණු එම පිරිස විසුරුවා හැරීමට පොලිසිය යෙදවුණු අතර දෙපිරිස අතර දරුණු ගැටුමක් ඇති වූ බව ද වාර්තා වේ. බංග්ලාදේශයේ විරෝධතා පැවැත්වීම සහ රජය පෙරළා දැමීමට කුමන්ත‍්‍රණය කිරීම ආදී චෝදනා මත පොලිස් අත්අඩංගුවේ පසුවන විපක්ෂ දේශපාලන කි‍්‍රයාකාරීන් අතරේ බංග්ලාදේශ ජාතික පක්ෂයේ ජ්‍යේෂ්ඨ නායකයන් සහ පක්ෂ මහ ලේකම්වරයා ද සිටියි. තවත් පක්ෂ නායකයන් කිහිප දෙනකු අත්අඩංගුවට ගැනීමට පොලිසිය සූදානමින් සිටින නමුත් එම පිරිස පොලිසියෙන් බේරී කට්ටි පනිමින් සිටින බව ද වාර්තා වේ. පොලිස් නිලධාරීන් පැමිණ කලහකාරීන් පන්නා දමමින්...