පාකිස්තානයේ කරච්චි නුවර පිහිටි මහල් හතරකින් යුත් ඇඟලූම් කර්මාන්තශාලාවක ඊයේ(12) හටගත් ගින්නකින් එහි සේවය කළ 194දෙනෙක් ජීවිතක්ෂයට පත් වූහ. කරච්චි නුවර කර්මාන්තශාලාවේ මෙම ගින්න හටගැනීමෙන් අනතුරුව ලාහෝර්හි පිහිටි සපත්තු කර්මාන්තශාලාවකද ගින්නක් හටගෙන ඇති අතර ඉන් 21 දෙනෙක් ජීවිතක්ෂයට පත් වූ බව පාකිස්තාන රජය පවසයි. සිද්ධියෙන් තුවාල ලැබූවන්ගෙන් වැඩි පිරිසක් ගින්න හට ගත් අවස්ථාවේදී ගින්නෙන් බේරීමට සිවු මහල් ගොඩනැගිල්ලෙන් බිමට පැන්නවුන් බව වාර්තා වේ. මෙලෙස තුවාල ලැබූවන්ගේ ගණන 65ක් බව රෝහල් ආරංචි මාර්ග පවසයි. ගින්න සම්පූර්ණයෙන් නිවා දැමූ ගිනි නිවන භටයන් පවසන්නේ මේ වන විට මළ සිරුරු 194ක් පමණ සොයා ගෙන ඇති බවයි. මියගිය අයගෙන් බොහෝදෙනෙක් කර්මාන්තශාලාවේ බිම් මහලේ සේවය කරමින් සිටි අය බව ගිනි නිවන භටයෝ පැවසූහ. ගින්න හටගත් අවස්ථාවේදී කර්මාන්තශාලාවේ 200කට අධික පිරිසක් සේවය කරමින් සිට ඇති බව වාර්තා වේ. කරච්චි නගරයෙන් දශක ගණනාවකට පසුව වාර්තා වූ දරුණුතම ගිනි ගැනීමේ සිදුවීම මෙය බව ගිනි නිවන භට කණ්ඩායම් ප්රධානී සලීම් සඳහන් කළේය. යට ඇඳුම් සහ ප්ලාස්ටික් නිෂ්පාදනය කරන කර්මාන්තශාලාවක් මෙහි ගින්න හටගත්තේ කෙසේදැයි යන්න පිළිබඳව තවමත් නොදන්නා බවත් ඒ සම්බන්ධයෙන් වැඩිදුර පරීක්ෂණ ආරම්භ කර ඇති බවත් කරච්චි නගරයේ පොලිස් ප්රධානියා ප්රකාශ කළේය. කරච්චි සිද්ධිය සිදු වූ පෙරේදා දින සවස් කාලයේදී ලාහෝර් නුවර පිහිටි සපත්තු නිෂ්පාදන කර්මාන්තශාලාවක ගින්නක් හටගෙන තිබේ. ඉන් 21 දෙනෙක් ජීවිතක්ෂයට පත්ව 14 දෙනෙක් තුවාල ලැබූහ. ගින්නට හේතුව කර්මාන්තශාලාවේ ඇති විදුලි ජනක යන්ත්රයේ සිදුවූ දෝෂයක් බව ලාහොර් පොලිසිය සඳහන් කළේය. සිද්ධිය සැලවූ සැනින් එම ස්ථානයට පැමිණි ගිනි නිවන භටයන් කර්මාන්තශාලාව තුළ සිරවී සිටි සේවකයන් බොහෝදෙනකු පිටතට ගැනීමට සමත්ව ඇති බව වාර්තා වේ. පාකිස්තාන ආර්ථිකය තුළ ඇඟලූම් ක්ෂේත්රයට හිමි වන්නේ සුවිශේෂී ස්ථානයකි. එරට දළ දේශීය නිෂ්පාදිතයෙන් සියයට 7.4ක දායකත්වයක් දක්වන්නේ ද ඇඟලූම් ක්ෂේත්රයයි.
ආරක්ෂක සහයෝගීතාවක් වෙනුවෙන්, රුසියාවත් ඉරානයත් අතරේ අවබෝධතා ගිවිසුමකට අත්සන් තැබුණි. ඉරානය වෙනුවෙන් ඉරාන ජාතික ආරක්ෂක කවුන්සිලයේ මහ ලේකම් අලී අක්බා
ස්පාඤ්ඤ අග්රාමාත්ය පේඩ්රෝ සැන්චේස්ගේ බිරිඳට අල්ලස් චෝදනා එල්ල වී ඇති අතර, එම චෝදනා සම්බන්ධයෙන් වහා විමර්ශනයක් අරඹන්නැයි ස්පාඤ්ඤ අධිකරණයක් ඊයේ (24)
චීනය සමඟ යහපත් සබඳතා වර්ධනය කර ගැනීමේ අරමුණින්, ඇමෙරිකා රාජ්ය ලේකම් ඇන්තනි බ්ලින්කන් ඊයේ (25) චීනයේ බෙයිජීං අගනුවරට පැමිණියේය.
මාස දෙකහමාරක් තිස්සේ වට හතකින් පැවැත්වෙන ඉන්දීය මහ මැතිවරණයේ දෙවැනි වටය හෙට (26) ආරම්භ වෙයි. කේරළ සහ කර්ණාඨක ප්රාන්ත වැසියන්ට ඡන්දය ප්රකාශ කිරීමට අවස්
ග්රීසියේ ඇතන්ස් අගනුවර වැසියන් මවිතයට පත් කරමින්, ඇතන්ස් අහස අඳුරු වී තැඹිලි පැහැයක් ගත්තේය. මෙම අසාමාන්ය සංසිද්ධිය සම්බන්ධයෙන්, ග්රීක කාලගුණ විද
යුක්රේනයට පවුම් මිලියන 500 (ඇමෙරිකන් ඩොලර් මිලියන 500) ක යුද ආධාර පැකේජයක් යුක්රේනයට ලබා දීමට බි්රතාන්ය අග්රාමාත්ය රිෂී සුනාක් කැමැත්ත පළ කර ඇත.
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
පාකිස්තානයේ කම්හල් දෙකක මහා ගින්නෙන් 215ක් මරුට
මධූ Thursday, 13 September 2012 12:59 PM
215 ට වඩා මැරුණ කියලා තමයි මම දන්නේ. කොහොම උනත් මෙහෙම හරි ගෙවන එක හොඳයි....(ස)
සජීව Friday, 14 September 2012 07:47 PM
පව් අප්පා. මිනිස්සු (දී)
මධු Thursday, 13 September 2012 07:53 PM
හොද පුවතක්. (නි)
භාලික් Friday, 14 September 2012 11:25 AM
අනේ මධූ, ඔයා හොදටම මදුවිතෙන් නේද ඉන්නේ? 215ක් නෙමෙයි 215000ක් මැරුණත් මේ රටේ ජනගහණය අඩු කරන්න බැහැ. මට ඔයා ගැන හරිම දුකයි. (නි)