ඇමෙරිකා ජනාධිපති බැරැක් ඔබාමා ඉරාන ආධ්යාත්මික නායකයාට රහසිගත ලියුමක් යවා ඇතැයි ප්රතිවාදී රිපබ්ලිකන් මන්ත්රීවරු පවසති. ඉරාන අර්බුදය සාමකාමී අයුරින් විසඳා ගැනීමේ අරමුණින් කෙලින්ම සාකච්ඡා පැවැත්වීමට තමන් සූදානම් යැයි ජනපති ඔබාමා එම ලිපිය හරහා ඉරාන ආධ්යාත්මික නායකයාට දැනුම් දී රිපබ්ලිකන් මන්තී්රවරු පෙන්වා දෙති. ඉරානය හෝමූස් සමුද්ර සන්ධිය වසා දමා, මැදපෙරදිග තෙල් සැපැයුමට බාධා කරන්නේ නම්, ඉරානයට එරෙහිව ප්රහාරයක් එල්ල කිරීමට පසුබට නොවන බවද එම ලිපිය හරහා ඔබාමා ඉරානයට තර්ජනය කොට ඇති බව ද රිපබ්ලිකන් පක්ෂය වැඩිදුරටත් කියා සිටියි. රිපබ්ලිකන් පක්ෂයේ එම ප්රකාශය උපුටා දැක්වමින්, ඒ බව හෙළි කළේ ඉරානයේ ‘ෆාර්ස්’ පුවත් සේවයයි. ඇමෙරිකා ජනාධිපතිගේ එම ලිපිය කොටස් දෙකකින් සමන්විත බවත් පළමු කොටසේ ඇත්තේ ඉරානයට කරන තර්ජන බවත් දෙවැනි කොටසට ඇතුළත් වෙන්නේ සෘජු සාකච්ඡා පැවැත්වීම ගැන බවත් ‘ෆාර්ස්’ පුවත් සේවය වැඩි දුරටත් කියා සිටියි. කෙසේ නමුත් ජනපති ඔබාමා එවැනි ලිපියක් ඉරානයට යවා නැතැයි ඔබාමා පරිපාලනය සහතික වෙයි. මේ අතර ඇමෙරිකන් ආරක්ෂක ලේකම් ලියොන් පැනේටා ඊයේ (19) වොෂින්ටන් අගනුවරදී මාධ්ය හමුවක් පවත්වමින් කියා සිටියේ ඉරානය හෝමූස් සමුද්ර සන්ධිය වසා දැමීමට පියවර ගතහොත් ඊට එරෙහිව කටයුතු කිරීමට ඇමෙරිකන් හමුදා සීරුවෙන් තබා ඇති බවය. ”ඉරානයේ තර්ජවවලට අප බය වන්නේ නැහැ. ඒවගේමයි ඉරානයට එරෙහිව විශේෂයෙන් හමුදා මෙහෙයුමක් හෝ බලඇණියක් හෝ සූදානම් කිරීමට අවශ්ය වන්නේත් නැහැ. ඉරානයේ හමුදා ශක්තිය ගැන අපට හොඳ අවබෝධයක් තිබෙනවා. ඊට මුහුණ දීම එතරම් අසීරු වන්නේ නැහැ” යැයි ඇමෙරිකන් ආරක්ෂක ලේකම්වරයා වැඩි දුරටත් කියා සිටියි. ඉරානය යළිත් වරක් හෝමූස් සමුද්ර සන්ධියේ මහා පරිමාණයෙන් නාවික යුද අභ්යාසයක් පවත්වන බව පැවැසීමත් සමඟ ඇමෙරිකා නාවික හමුදාව මේ වනවිට තවත් යුද නැවක් අරාබි මුහුදට යවා තිබෙන බව ද ආරක්ෂක ලේකම්වරයා අනාවරණය කළේය. පරමාණු බෝම්බ හොර රහසේ නිපදවන බවට චෝදනා එල්ල වී සිටින ඉරානය, එම යුද අභ්යාසය පැවැත්වූයේ ඔවුන්ට සමුද්ර සන්ධිය වසා දැමීමට හැකි බව පෙන්වීමටය. මැද පෙරදිග තෙල් ප්රවාහන කටයුතු බහුලව සිදු වන්නේ හෝමූස් සමුද්ර සන්ධිය හරහාය.
පසුගිය මාර්තු මාසයේ පැවැති රුසියන් ජනාධිපතිවරණයෙන් යළිත් වරක් විශිෂ්ට ජයක් හිමි කරගත් ව්ලැදිමීර් පුටින් අද (7) දිවුරුම් දෙයි.
ප්රංශයේ පැරිස් අගනුවරට පැමිණ සිටින, චීන ජනාධිපති ෂී ජින්පින් සහ ප්රංශ ජනාධිපති ඉමැනුවෙල් මැක්රොන් අතරේ හමුවක් පැවැත්විණි. ඒ, ප්රංශ ජනාධිපතිවරයාගේ
අදියර හතකින් පැවැත්වෙන ඉන්දීය මහ මැතිවරණයේ තෙවැනි අදියර අද (7) උදෑසන ආරම්භ වූ අතර, ඉන්දීය අග්රාමාත්ය නරේන්ද්ර මෝදි ද උදෑසනින් ම සිය ගම් පළාත වන ගුජරා
ආරක්ෂක අංශ සාමාජිකයන් කලබලයට පත් කරමින්, ඇමෙරිකන් ජනාධිපති මන්දිරය හෙවත් ධවල මන්දිරයේ ගේට්ටුවට මෝටර් රථයක් කඩා වැදුණි.
බ්රිතාන්ය නගරසභා මැතිවරණය පසුගිය සති අන්තයේ පැවැත්වුණු අතර, එරට අග්රාමාත්ය රිෂී සුනාක්ගේ ‘කොන්සවර්ටිව්’ පාලක පක්ෂය පරාජයට පත් විය.
ඇමෙරිකාවේ මැදිහත් වීමෙන්, ඊජිප්තුව සහ කටාර් රාජ්යය මැදිහත් වී, හමාස් සංවිධානය ද හවුල් කර ගනිමින් සකස් කළ සටන් විරාම යෝජනාවට ඊශ්රායල අග්රාමාත්ය බෙ
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
ඔබාමාගෙන් ඉරානයට රහස් ලියුමක්