රුසියාවේ මැග්නිටෝගෝස්ක් නගරයේ ගෑස් පිපිරිමකින් කඩාවැටුණු ගොඩනැගිල්ලේ සුන්බුන් අතර සිරවී සිටි මාස 10 ක් වයසැති බිළිඳකු බේරා ගැනීමට සමත් වී ඇතැයි රුසියානු මාධ්‍ය වාර්තා කරයි. 

එමෙන්ම ළමයින් දෙදෙනෙකු ඇතුළු පුද්ගලයන් 6 දෙනෙකු බේරා ගැනීමට සමත් වී ඇති අතර ඉකුත් අඟහරුවාදා (1) පසු කිසිදු පුද්ගලයකු සොයාගෙන නොමැති බව මාධ්‍ය වාර්තා කර ඇත. 

මෙම සිදුවීම නව වසරේ ප්‍රාතිහාර්යක් බව රුසියානු බලධාරීහු පවසති.

මේ අතර සුන්බුන් වලට යටවී මිය පුද්ගලයන් 39 දෙනෙකුගේ සිරුරු සොයා ගෙන ඇති අතර සොයා ගත් සිරුරු 39 න් 38 ක් හඳුනාගෙන තිබේ.

දිවි ගලවා ගැනීමේ මෙහෙයුම් සඳහා 900 කට ආසන්න පිරිසක් සහභාගී වු අතර උෂ්ණත්වය සෙල්සියස් අංශ 27 කට අඩුවීම මෙහෙයුම් වලට බාධා විය.

සෝවියට් යුගයට අයත් මෙම නිවාස සංකීර්ණයේ 1100 ක් පමණ වාසය කරති. සිද්ධියෙන් නිවාස 35 කට හානි සිදුවිය.
 
(28535)

(වීඩියෝ දර්ශන ද ගාඩියන් ඇසුරෙනි)