ලෝකෙන් ටිකක්

පරිසර ක්රියාකාරිනී ස්වීඩන ජාතික ග්රෙටා තොන්බර්ග් දියණියට ගරු කිරීමක් ලෙස, කුරුමිණියකු නම් කර ඇත. කුරුමිණියාගේ නම ‘නෙලොප්ටෝඩස් ග්රෙටේ’ ය. ආත්රපෝඩාවකු වන මෙම පුංචි සත්වයා ප්රමාණයෙන් මිලිමීටරයකට වඩා කුඩා යැයි පැවැසෙයි. කුරුමිණියාට ඇස් නැත. පියාපත් නැත. ඇස් නැතත්, පියාපත් නැතත්, කුරුමිණියාට දිග ඇන්ටනා දෙකක් ඇත. ඒවා හරියට ග්රෙටා දියණියගේ ගොතන ලද කෙස් කැරැලි වැනි යැයි ලන්ඩන් ස්වභාව විද්යා කෞතුකාගාරයේ ආචාර්ය මයිකල් ඩාර්බි පවසයි.
‘මේ ඇන්ටනා යුගලය දැක්කාම මට එකපාරට මතක් වුණේ ග්රෙටා දියණියගේ කෙස් කැරැලි. පරිසර ක්රියාකාරිනියක ලෙස ග්රෙටා අවංකවම ලොකු උත්සාහයක් ගන්නවා ගෝලීය උණුසුම පිටුදකින්න. පරිසර දූෂණය නවත්වන්න. ඒ වෙනුවෙන් ලෝක නායකයන්ගේ ඇස් ඇරැවීමට ඇය උත්සාහ ගන්නවා. පුංචි දැරියක ලෙස ඇය කරන මෙහෙවර ගැන මට හරිම සතුටුයි. ඒ නිසයි මේ කුරුමිණියා ඇයගේ නමින් නම් කෙරෙන්නේ’ යැයි කුරුමිණියා ‘නෙලොප්ටෝඩස් ග්රෙටේ’ ලෙස නම් කරමින් මහාචාර්යවරයා පැහැදිලි කර තිබේ.
‘නෙලොප්ටෝඩස් ග්රෙටේ’ කුරුමිණියා අයත් වෙන්නේ ‘ටිලිඬඩේ’ පවුලට ය. ලොව කුඩාම කුරුමිණියෝ විශේෂ රැසක් මෙම ‘ටිලිඩේ’ පවුලේ සාමාජිකයෝ වෙති. අද ‘නෙලොප්ටෝඩස් ග්රෙටේ’ නම් කළ මෙම පුංචි කුරුමිණියා සොයා ගනු ලැබුවේ 1965 වසරේදීය. ඒ, බ්රිතාන්ය ජාතික සොබාවිද්යාඥ ආචාර්ය විලියම් සී. බ්ලොක් විසිනි. කුරුමිණියා සොයා ගැනීම සිදුවූයේ කෙන්යාවේ නයිරෝබි නුවරට නුදුරිනි.
නමක් නොයෙදූ කුරුමිණියාගේ සාම්පල, ලන්ඩන් නුවර ස්වභාව විද්යා කෞතුකාගාරයට ලබා දීමට ආචාර්ය විලියම් සී. බ්ලොක් කටයුතු කර තිබුණි. එම සාම්පල අහම්බෙන් තෙන ගැටුණු අවස්ථාවේ දී ආචාර්ය මයිකල් ඩාර්බි ඒ ගැන උනන්දු විය. ග්රෙටා දියණියගේ නමින් කුරුමිණියා නම් කිරීම සිදුවූයේ ඒ අනුවය.
ලුසිත ජයමාන්න
ඩේලිමේල් ඇසුරිනි
2025 නොවැම්බර් මස 21
215
1
ශ්රී ලංකා ඉන්ෂුවරන්ස් ලයිෆ් හි විකුණුම් කණ්ඩායම විකුණුම් වෘත්තිකයන් ලෙස විශිෂ්ටත්වය කරා යන ගමනේදී ඔවුන්ගේ උනන්දුව සහ කැපවීම වෙනුවෙන් 2025 ශ්රී ලංක
2025 නොවැම්බර් මස 17
268
0
දවසින් දවස අපි හැමෝගෙම ජීවිත හිතාගන්න බැරි තරම් කාර්යබහුල වෙනවා! ඒ busy life එක අස්සේ shopping කරනවා කියන්නේ තවත් ලොකු කාර්යභාරයක් නේද? හවසට වැඩ ඇරිලා ගෙදර යන ගම
2025 නොවැම්බර් මස 04
1180
0
2021 බ්ලූ ප්ලැනට්(Blue Planet) ත්යාගලාභී සහ 2007 සාම නොබෙල් ත්යාගයේ සම-ජයග්රාහක මහාචාර්ය මොහාන් මුණසිංහ මහතා මෑතකදී 2025 ඔක්තෝබර් 18-21 දිනවල චීනයේ ඉහළ මට්ටමේ ටියැන්
පුංචි පරිසර ක්රියාකාරිනියගේ නමින් පුංචි කුරුමිණියෙක්