IMG-LOGO

2024 ජුලි මස 17 වන බදාදා


අලි මැරුවොත් සොහොනටත් හෙණ

හබරණ හිරිවඩුන්න තුම්බිලම රක්ෂිතයේ සිටි ඇතින්නියන් හත්දෙනෙකු හදිසියේ මිය යාමත් සමග මෙරට ස්වභාව ධර්මයට හා සතුන්ට ආදරය ඇති ජනයා මහත් සංවේගයට පත්ව ඇති බව පැවසීම රහසක් නොවේ. තවමත් එම මරණයන් පිළිබඳව ඇත්තේ කුකුසකි. මත පළවන්නේ විෂක් ශරීර ගත කිරීමෙන් මෙම මරණ සිදුකර ඇති බවයි. 

මේ අනුව ගෙවීයන්නේ මෙරට අලි ඇතුන්ට නරක දශාවකි. එක දිගටම අපට අසන්නට ලැබුණේ අලි ඇතුන්ගේ ඝාතනයන්ය. වැල නොකැඩී ගලා එන මෙම සිද්ධි දාමයේ මූලාරම්භය ගල් ගමුවේ දළ පූට්ටුවාගේ මරණය විය. ගල්ගමුවේ දළ පූට්ටුවාගේ ඝාතනය මුළු රටම කම්පනයට පත්කළ බව පැවැසීම සාධාරණය. එම සතාගේ මරණය ඇසූ මිනිසුන් ඇඬුවේ යැයි පැවසුව හොත් එය ද නිවැරැදිය. එම නිසාවෙන් එම ඇතා වෙනුවෙන් මිනිසුන් දානමාන පවා දෙන ලදි. එම ඇතුගේ මරණයෙන් පසු තවත් දළ ඇතුන් කිහිප දෙනෙකුගේ මරණ අපට අසන්නට ලැබුණි. ඒවා එසේ සිදුවෙද්දී අලි ඇතුන් මැරූ නරුමයන්ට හා එවන් අදහසක් හෝ ඇති නරුමයන්ට සිහිපත් කිරීමට කතාවක් ඇත. ඒ “අලි ඇතුන් මරණ පාපකර්මය නිසාවෙන් නුඹලාගේ සොහොන්වලට පවා කවදා හෝ හෙණ ගසන” බවය. එය එසේ වන බවට පැහැදිලි සාක්ෂි අප සතුව ඇත. 


අතීතයේ පිටරැටියන් මේ ලක්දිව හැඳින්වීම සඳහා “ඇතුන්ගේ දේශය” elephant country යන නාමයද භාවිත කර ඇත්තේ මෙරට ඒතරම්ම අලි ඇතුන්ගෙන් පිරී පැවතුණු නිසාවෙනි. මෙරට වෙසෙන අලි ඇතුන් ආසියාතික වර්ගයට අයත්වන අතර සත්ව විද්‍යාත්මක වශයෙන් එලපාස් මැක්සිමුස් (elephas maximus) ලෙස හඳුන්වයි. අප්‍රිකානු ඇතුන් හඳුන්වනු ලබන්නේ ලොක්සොඩොන්ටා අප්‍රිකානා (loxodonta Africana) ලෙසය. නමින් පමණක් නොව කන්වල හැඩයෙන්, උසින් පමණක් නොව ආහාර රටාවෙන්ද මෙම වර්ග ද්විත්වය අතර බොහෝ වෙනස්කම් පවතී. 


මෙරට පුරා සැරිසරමින් සිටි ලාංකේය අලි ඇතුන්ට අභාග්‍ය සම්පන්න කාලයක් උදාවූයේ විදේශිකයන් මෙරට යටත් කරගැනීමෙන් පසුවය. විශේෂයෙන්ම බ්‍රිතාන්‍ය යටත් විජිත පාලන සමයේ දී සුදු ජාතිකයෝ මෙරට කැලෑ එළිකරමින් තේ, කෝපි ආදී වැවිලි භෝගයන් ව්‍යාප්ත කරන්නට වූහ. එම නිසා අලි ඇතුන්ට වාසස්ථාන අහිමි වූ අතර එම නිසා උන් ගම් වදින්නටත් ගම් වැදීම නිසා මිනිසුන් අතින් මරණයට පත්වීමටත් සිදුවිය. 


එසේම මෙරට පාලනය කළ බ්‍රිතාන්‍ය ජාතිකයන් විනෝදාංශයක් ලෙස අලි ඇතුන්ට වෙඩි තැබීම ද සිදුකර ඇත. වෙඩි තැබීමේ තමන්ගේ හැකියාව පෙන්වීමට ඔවුන් ඉලක්කය ලෙස තෝරාගෙන ඇත්තේ වනයේ තුරුලතා අතර සැරුසැරූ අහිංසක අලි ඇතුන්ය. වැඩි වශයෙන් අලි ඇතුන් මැරූ තැනැත්තා අන්‍ය හිතවතුන්ට එය පවසමින් හා පෙන්වමින් උද්දාමයටත් ආඩම්බරයටත් පත්ව ඇත. අද අපි සොයා යන සොහොන් දෙකේ හිමිකරුවෝ ද එවන් පුද්ගලයන් වෙති. 


සිංහල ගැමියන්ගේ වාග් මාලාව දෙස අවධානය යොමු කිරීමේ දී ඔවුන් තමන්ට මහත් විපතක්, උවදුරක් හෝ කරදරයක් සිදුකළ අයවලුන්ට ශාප කිරීමට “හෙණ වදීවා” යන ශාප පාඨය භාවිත කරන ආකාරය හඳුනාගත හැකිය. ඌට හෙණ හතම වදින්න ඕන, තොට හෙණ ගහනවා ආදී වශයෙන් එය භාවිත කරයි. හෙණ අපට අවශ්‍ය ආකාරයට ක්‍රියාත්මක වන්නේ නැත. එය සිදුවන්නේ සොබාදහමේ ක්‍රියාවලියත් සමගිනි. විශේෂයෙන්ම වර්ෂා කාලයේ දී හෙණ හෙවත් අකුණු හට ගැනීම බහුලව සිදුවේ. අද ජනයුගයෙන් කියන්නට යන්නේ අලි ඇතුන් අති විශාල ප්‍රමාණයක් මරා දමා ඒ පාප කර්මය නිසාවෙන් අකුණු සැර වැදී මිය ගිය සුදු ජාතිකයෙකුගේ සොහොනට පවා තවමත් හෙණ වැදෙන බවය. එය ඇත්තේ නුවරඑළියේය. ඒ අන්දමින්ම අලි ඇතුන් විශාල ප්‍රමාණයක් මැරූ පවට අලියෙකුගේම පහරදීම හේතුවෙන් මියගිය තවත් සුදු ජාතිකයෙකුගේ සොහොනකට මේ මොහොතේත් හෙණ වදින බව පැවැසිය යුතුය. එම සොහොන ඇත්තේ යාල කැලේය. 

 

කැප්ටන් විලියම් රොජර්සන්ගේ සොහොන පිහිටි නුවරඑළිය ගොල්ෆ් ක්‍රීඩා සමාජ කාර්යාලය 

 

 


 පුංචි එංගලන්තය යන විරුදාවලිය ලත් ලංකාවේ ශීතම ප්‍රදේශය වූ නුවරඑළියට නොගිය ලාංකිකයෙකු නොමැති බව පැවසීම අතිශයෝක්තියක් නොවනු ඇත. මන්ද එහි ශීත දේශගුණය, නැවුම් එළවළු වගාවන්, දෑස් මන බන්ධන දසත සුවඳ පතුරුවන මල් ගොමු, කඳු හෙල් මතින් කඩා හැලෙන දිය දහරාවන්, අලංකාර උද්‍යානයන්ගෙන් හා ඓතිහාසික ස්ථානයන්ගෙන් අනූන නුවරඑළිය දෙස් විදෙස් සංචාරකයන්ගේ අනිවාර්ය ගමනාන්තයකි. 


අද අපි සොයා යන සොහොනක් පිහිටා ඇත්තේ නුවරඑළිය නගර සභා ප්‍රදේශයට අයත්ව පිහිටා ඇති නුවරඑළිය ගොල්ෆ් ක්‍රීඩා සමාජ කාර්යාලය අසබඩය. කැප්ටන් විලියම් රොජර්සන් මහතා ක්‍රීඩාවට මෙන්ම දඩයමට ද ඉමහත් ප්‍රියතාවක් දැක්වූ අයෙකි. යටත් විජිත පාලන සමයේ මෙරට විනෝදයෙන් කාලය ගත කළ ඔහු තමන්ගේ ගිනි බටයෙන් වෙඩි තබා මැරූ අලි ඇතුන්ගේ සංඛ්‍යාව 1500ක් පමණ වේ යැයි සඳහන් වේ. එය සුළුපටු සංඛ්‍යාවක් නොවන බව ඔබට පැහැදිලිය. ඔහු විසින් සිදුකර ඇත්තේ මහත් අපරාධයකි. සිංහල ගැමියන්ගේ වහරෙන් කියන්නේ නම් හෙණ ගහන අපරාධයකි. 


මේසා විශාල අලි සංහාරයක් කළ රොජර්සන් මහතා අකාලයේ මියගොස් ඇත්තේ අකුණු සැර වැදීමෙනි. ඒ හපුතලේ තානායමේ සිටින අවස්ථාවකදීය. ඒ වන විට ඔහුගේ වයස අවුරුදු 41කි. ඔහු මියයාමෙන් අනතුරුව ඔහුගේ සිරුර නුවරඑළියේ වර්තමාන ගොල්ෆ් ක්‍රීඩා සමාජ කාර්යාලය අසල භූමිදානය කර ඇති අතර ඒ මත ගලින් කරන ලද ඵලකයක්ද යොදා ඇත. පුදුමයකි. ජනප්‍රවාදයේ සඳහන්වන පරිදි එම සොහොනටද අවස්ථා ගණනාවකදී අකුණු සැර වැදී ඇත. සොහොන් ඵලකය ඉරිතලා දෙකඩ වී ඇත්තේද එම හේතුවෙන් බව එම මතයේ සඳහන් වේ. තතු දත් නුවරඑළියේ වැසියන් පවසන්නේ අලි ඇතුන් මැරීමේ පාපය නිසාවෙන් රොජර්සන් මහතාට මෙන්ම ඔහුගේ සොහොනට ද මෙසේ අකුණු සැර වැදී ඇති බවයි. 


 අපි සොයා යන දෙවන සොහොන පිහිටා ඇත්තේ කතරගම බුත්තල මාර්ගයේ ගල්ගේ නම් ප්‍රදේශයේ යාල ජාතික වනෝද්‍යානය තුළය. ඉංග්‍රීසි පාලන සමයේ දී කතරගම ප්‍රදේශය පාලනය කර ඇත්තේ ජේ.පී. ඉරේෂන් නම් සුදු ජාතිකයාය. දක්ෂ දඩයක්කාරයෙකු වූ ඔහුගේ ප්‍රියතම දඩයම වී ඇත්තේ අලි ඇතුන්ට වෙඩි තැබීමයි. මෙසේ ඔහු අතින් මිය ගිය අලි ඇතුන්ගේ ප්‍රමාණය සිය ගණනකි. මෙසේ අලි ඇතුන්ට විනයක් වූ ඉරේෂන්ට දිවි අහිමි වූයේ ද අලියෙක් පහරදීම නිසාවෙන් වීම දිට්ඨධම්මවේදනීය කර්මය පඩිසන් දුන්නා සේය. 
මියගිය ඉරේෂන් වෙනුවෙන් ඔහුගේ මිතුරන් යාල කැලයේ ඇති ගල් තලාවක ඔහුගේ සොහොන ඉදිකර තිබේ. එහි සඳහන් වන්නේ ගල්ගේ ප්‍රදේශයේ නිර්මාතෘ හා බ්‍රිතාන්‍ය ජාතික ශූර දඩයක්කරුවෙකු වූ ජේ.පී. ඉරේෂන් මහතා සිහිවීම පිණිසයි. උපත 1877 අප්‍රේල් 03 දා විපත 1923 නොවැම්බර් 12දා, ඔහුගේ මිතුරන් විසින් මෙම සිහිවටනය ඉදිකරන ලදි. ඔහු සාමදානයේ සැතපේවා ලෙසය. 

 

 

හෙණ වැදී දෙකඩ වූ කැප්ටන් විලියම් රොජර්සන් සොහොන 

 

 


මෙම සොහොන අඩි 40ක් පමණ උසකින් නිර්මාණය කර තිබේ. නමුත් කලින් කලට මෙම සොහොනට හෙණ වැදීම නිසා කලින් කලට මෙය ප්‍රතිසංස්කරණය කර ඇත. තමන්ගේ රටේ පුරවැසියෙකුගේ සොහොනක් බැවින් මෙම සොහොන පිළිබඳව නිරන්තරයෙන් වාර්තා කරන ලෙස බ්‍රිතාන්‍ය මහ කොමසාරිස් කාර්යාලය වනජීවි දෙපාර්තමේන්තුව වෙත දැනුම් දී තිබේ. ඒ අනුව මෙම සොහොනට හෙණ වැදී කැඩී යන සෑම අවස්ථාවකදීම ඒ පිළිබඳව අඩවියභාර නිලධාරියා බ්‍රිතාන්‍ය කොමසාරිස් කාර්යාලයට දැනම් දී තිබේ. ඒ අනුව එම කොමසාරිස් කාර්යාලයේ අනුග්‍රහය යටතේ මෙම සොහොන අලුත්වැඩියා කර ඇත. නිරන්තරයෙන් අකුණු වැදෙන බැවින් වර්තමානයේ මෙම සොහොනේ උස අඩි 20ක් දක්වා අඩුකර තිබේ. මේ පිළිබඳව ප්‍රදේශවාසීන්ගේ අදහස වන්නේ අලින් මැරූ පාපය නිසාවෙන් එම අලින්ගේ ආත්මයන් ඔහුගේ සොහොනෙන් පවා පළිගන්නා බවයි. 


 සොබාදම් මාතාවගේ හැසිරීම අපූරුය. අපට එහි ක්‍රියාකාරිත්වය තේරම්ගත නොහැකිය. නමුත් අප වටහාගත යුතු කරුණ වන්නේ සොබාදහමට එරෙහිව ගියහොත්, මනුෂ්‍ය ගුණදම් අතහැර දැමුවහොත් අපට සොබාදහමෙන්ම පාඩම් උගන්වන බවය. 


කේ. උදේනි අරුණසිරි  


පුරාවිද්‍යා දෙපාර්තමේන්තුව   
රත්නපුර



අදහස් (0)

අලි මැරුවොත් සොහොනටත් හෙණ

ඔබේ අදහස් එවන්න

රසවිත

මහරජ ගැමුණු චිත්‍රපටියේ විහාර මහා දේවිය - කුසුම් රේණු
2024 ජුලි මස 16 13 0

“චිත්‍රපටිය නිෂ්පාදනය කරන්න තීරණය කරලා අවුරුදු පහක් ගත වෙනකම්ම රූගත කිරීම් ආරම්භ කරන්න බැරි වුණා.. ඒ මූල්‍යමය ප්‍රශ්නයක් නිසා.. මමත් ඒ ගැන බලාපොරොත්තු


වාහනයක් ගත්තොත් මුලින්ම පෙන්නන්නේ තාත්තට - රොෂාන් ප්‍රනාන්දු
2024 ජුලි මස 16 34 0

වාහනවලට ආදරය කරන අය වෙනුවෙන්ම ගෙන ආපු විශේෂාංගය ’’රථගාය’’ වෙනුවෙන්, මෙවර සඳැල්ලට සම්බන්ධ කරගත්තේ, බොහෝ දෙනෙක් ආදරය කරන ප්‍රවීණ ගායන ශිල්පී රොෂාන් ප්‍


තරුණ කාලෙම අම්මා කෙනෙකුවීම ලොකු වාසනාවක් - නිපුණිකා දිසානායක
2024 ජුලි මස 16 19 0

මට ඇත්තටම සම්ප්‍රදායික අම්මා කෙනෙක් වෙන්න අවශ්‍ය නැහැ. ඒ වගේම අපි එකිනෙකා හරියට තේරුම් ගන්නවා නම් ප්‍රශ්න ඇතිවෙන්නෙ නැහැ. අපි විවාහ වෙලා අවුරුදු හතරක්


’’ අතිශය ප්‍රථම වතාවට ’’ පානම්බොක්කේ රටේ රාල හමුවෙමු
2024 ජුලි මස 16 36 0

දශක කීපයක සිට වේදිකාව, සිනමාව, ටෙලිනාට්‍ය රංගනයන් ඔස්සේ චරිතාංග රංගනයෙන් අපට හමුවන, ලාල් කුලරත්න ප්‍රවීණයා ගැන මේ දිනවල බොහෝ දෙනා කතාවන්නේ සුපුන් රත්න


මම භාරගත්ත චරිතයක් මගින් දාලා යන්නෙ නැහැ - ඉෂංකා අබේසේකර
2024 ජුලි මස 16 26 0

මේ දිනවල විකාශය කෙරෙන, ’’කියාදෙන්න ආදරේ තරම්’’ ටෙලි නාට්‍යයෙන් ප්‍රේක්ෂක හදවත් ආමන්ත්‍රණය කළ, ආකර්ෂණය කරගත්, ’’සමන්දිනි’’ ගැන අමුතුවෙන් හඳුන්වාදිය


අනේ පොඩි නැන්දා මට හුඟක් දවස් කාමරේ ඇතුළෙ ඉන්න වෙයිද?
2022 මාර්තු මස 26 11186 0

හීන් නෝනා දියණිය දෙස බැලු‍වේ කරදර දෑසිනි. දුරකථනය හරහා ආවේ සුබ පණිවිඩයක් නොවන බැව් ඇගේ මුහුණ කියා පෑවේය. “කවුද කතා කෙරුවේ..?” හීන් නෝනා විමසුවාය. “අයිය


මේවාටත් කැමතිවනු ඇති

වැලිබල් ෆිනෑන්ස්, ශක්තිමත් මූල්‍ය ප‍්‍රතිඵලයක් වාර්තා කරයි 2024 ජුලි මස 13 124 0
වැලිබල් ෆිනෑන්ස්, ශක්තිමත් මූල්‍ය ප‍්‍රතිඵලයක් වාර්තා කරයි

වැලිබල් ෆිනෑන්ස් ගෙවුණු වසර 17ක කාලය පුරාවට ශ‍්‍රී ලංකාවේ මූල්‍ය ආයතනයන් අතර ප‍්‍රමුඛස්ථානයක් හිමි කර ගනිමින් 2023/24 මූල්‍ය වර්ෂයේදී සිය මූල්‍ය විශිෂ්ටත

ශ්‍රී පාද අඩවිය සුපිරිසිදු කරන්නට සියපත ෆිනෑන්ස් වෙතින් “නැමදුමෙන් පසු ඇමදුම” 2024 ජුනි මස 20 988 0
ශ්‍රී පාද අඩවිය සුපිරිසිදු කරන්නට සියපත ෆිනෑන්ස් වෙතින් “නැමදුමෙන් පසු ඇමදුම”

බුදුරජාණන්වහන්සේගේ, ශිව දෙවියන්ගේ, ආදම්ගේ සහ ශාන්ත තෝමස් අපෝස්තුළුතුමාගේ පා සටහන යනාදී වශයෙන් විවිධ ආගමික සම්ප්‍රදායන් මුල් කරගනිමින් ශ්‍රී පාද ස්ථ

කුරුලෑ කරදරය සදහටම අවසන්! Himalaya Purifying Neem Face Wash අලුත් වෙනසක් සමග නැවතත් ශ්‍රී ලංකාවේ 2024 අප්‍රේල් මස 09 1867 1
කුරුලෑ කරදරය සදහටම අවසන්! Himalaya Purifying Neem Face Wash අලුත් වෙනසක් සමග නැවතත් ශ්‍රී ලංකාවේ

ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්‍ය නිෂ්පාදන පෙළක් සමග ලොව පුරා ජනතා විශ්වාසයට පාත්‍ර වූ දැවැන්ත සමාගමක් වන Himalaya Wellness

Our Group Site