(ඩයනා උදයංගනී)

ජාත්‍යන්තර රොබෝටික්ස් තරඟාවලියේ දී ලොව අනෙකුත් නව නිර්මාණ පරාජය කරමින් පළමු ස්ථානය දිනාගත්  ශ‍්‍රී ජයවර්ධනපුර විශ්වවිද්‍යාලයේ ශිෂ්‍ය කණ්ඩායම අද (3) විශ්ව විද්‍යාල ප‍්‍රතිපාදන කොමිෂන් සභාව වෙත ගොස් උසස් අධ්‍යාපන, තාක්ෂණ හා නවෝත්පාදන, තොරතුරු හා සන්නිවේදන තාක්ෂණ අමාත්‍ය ආචාර්ය බන්දුල ගුණවර්ධන මහතා හමුවිය.
 
සුප‍්‍රකට ළමා චිත‍්‍රපට කතා මාලාවක් වන ‘හැරී පෝටර්’ වෙනුවෙන් මෙම ශිෂ්‍ය කණ්ඩායම විසින් නිපදවූ හැරී පෝටර් පැළද සිටින මැජික් තොප්පියට මෙම ජයග‍්‍රහණය හිමිවූ අතර එම ජයග‍්‍රාහී ශිෂ්‍ය කණ්ඩායම අමාත්‍යවරයාගේ විශේෂ ආරාධනාවක් පරිදි විශ්වවිද්‍යාල ප‍්‍රතිපාදන කොමිෂන් සභාවට පැමිණියහ.
 
මෙම අවස්ථාවට පැමිණ සිටි සියලූම විශ්වවිද්‍යාල උපකුලපතිවරුන්, පීඨාධිපතිවරුන් සහ ලේඛකාධිකාරීවරුන් ඉදිරියේ එම ශිෂ්‍ය ශිෂ්‍යාවන් තමන්ගේ නිර්මාණය හදුන්වා දෙන ලදී.
  
එම කණ්ඩායමේ නියෝජිතයන් වන ශ‍්‍රී ජයවර්ධනපුර විශ්වවිද්‍යාලයේ ව්‍යවහාරික විද්‍යා පීඨයේ, පරිගණක අධ්‍යයනාංශයේ ආචාර්ය රවීන්ද්‍ර ද සිල්වා, අදීෂ ගම්මන්පිල, අචල විජේසිංහ, තෙහානි වන්නිආරච්චි, විරාජි අමරජීව, දුවිනි ජයසිංහ යන ‍මෙලෙස පැමිණ අමාත්‍යවරයා හමුවූහ.