සේරුනුවර-කින්නියා හි මහවැලි ගඟේ බෝට්ටු ගිනි තැබුවන්ට නීතීය ක්‍රියාත්මක කරන්න

(කාංචන කුමාර ආරියදාස)

සේරුනුවර සහ කින්නියා ප්‍රදේශවල මහවැලි ගඟේ නීත්‍යනුකූල වැලි කැනීමෙහි නිරතව සිටි ගැමි ජනතාව සතු වැලි ප්‍රවාහනය කළ බෝට්ටු හතළිහක් පමණ ගිනිතබා විනාශ කළ මහා පරිමාණ වැලි ජාවාරම්කරුවන්ට වහාම දඬුවම් ලබාදෙන්නැයි සමස්ත ලංකා ගොවිජන සම්මේලනය රජයෙන් ඉල්ලීමක් කර සිටී.

එම ප්‍රදේශවල සිදු කෙරෙන මහා පරිමාණ වැලි ජාවාරම පිළිබඳව තොරතුරු හෙළි කිරීමත් සමඟ මෙම ගිනි තැබීම සිදු වූ බව වාර්තා වේ.

මහවැලි ගඟේ බෝට්ටු ගිනිතබා විනාශ කිරීම තමා හෙළා දකින බවත්, විනාශ කළ බෝට්ටු සඳහා ගැමියන්ට වන්දියක් ලබා දී ජාවාරම් කරුවන්ට ද සුදුසු දඬුවම් ලබාදෙන ලෙස තමන් පොලීසියෙන් ඉල්ලා සිටින බවත් සමස්ත ලංකා ගොවිජන සම්මේලනයේ ජාතික සංවිධායක නාමල් කරුණාරත්න මහතා දඹුල්ල ප්‍රදේශයේ පැවති මාධ්‍ය හමුවකදී කියා සිටියේ ය.

සේරුනුවර සහ කින්නියා යන ප්‍රාදේශීය ලේකම් කොට්ඨාස අසළින් මහවැලි ගඟ ගලා බසිද්දී ජාවාරම්කරුවන් පිරිසක් යන්ත්‍රසූත්‍ර ගඟට බස්සවා, ඇළ ඉවුරු කපා දමා, මහා පරිසර විනාශයක් සිදුකරමින් වැලි ගොඩ දමද්දී එම ප්‍රදේශයේ පදිංචි ජනතාව ඉතාමත් සාධාරණව බලපත්‍ර නීති උල්ලංඝනය නොකොට වැලි ගොඩ දැමීම සිදුකරන බවත් ඔහු පැවසීය. පිට පළාත් වලින් පැමිණි දේශපාලන ජාවාරම්කරුවන්ගෙන් ග්‍රාමීය ජනතාවට ඇතිවන බලපෑම පිළිබඳව හෙතෙම මාධ්‍ය දැනුම්වත් කර තිබුණි.

ඒ අනුව තමන් කින්නියා හා සේරුනුවර ප්‍රදේශයේ වැලි කැනීම් ස්ථාන නිරීක්ෂණය කොට පැමිණි දවසේ රාත්‍රියේ කිසියම් පිරිසක් පැමිණ සේරුනුවර ප්‍රදේශයේ අහිංසක ජනතාවගේ බෝට්ටු හතළිහකට වැඩි ප්‍රමාණයකට මෙසේ ගිනි තබා ඇතැයි සඳහන් කළේය.

තොරතුරු දැනගැනීමේ පනත යටතේ ලබාගත් විස්තර අනුව වැලි කැනීම් සඳහා බලපත්‍ර ලබා දී ඇත්තේ 113 කට පමණක් බවත් එහෙත් දහසකට වැඩි පිරිසක් මෙම වැලි ජාවාරමේ නිරතව සිටින බවත් ප්‍රදේශයේ සියලුම දේශපාලනඥයන්ට ඔවුන්ගේ බිරින්දෑවරුන්ට සහ ඥාතීන්ට ද වැලි කැණීමේ බලපත්‍ර නිකුත් කර ඇති බවත් ඔවුන් ඒවායින් අතිවිශාල මුදලක් අයථා ලෙස ලබාගන්නා බවත් නාමල් කරුණාරත්න මහතා හෙළි කළේය.

මහවැලි ගඟේ සිදුවන මහා පරිමාණ පරිසර විනාශය පිළිබඳව රජයේ වගකිවයුතු නිලධාරීන් මුණිවත රකිනුයේ දේශපාලන මැදිහත්වීම නිසා බව ඔහු වැඩිදුරටත් පැවසීය.

අදහස් (0)

සේරුනුවර-කින්නියා හි මහවැලි ගඟේ බෝට්ටු ගිනි තැබුවන්ට නීතීය ක්‍රියාත්මක කරන්න

ඔබේ අදහස් එවන්න

වැඩි දෙනා කියවූ පුවත්

ඇමති දෙන්නෙක්ගේ ඉල්ලා අස්වීමක් ගැන ගැසට් නිවේදනයක්

2025 ඔක්තෝබර් මස 12 15322 6

පොලිස් පොඩ්ඩාට පෙනී සිටි ‍තාරක නීතිඥ සංගම් කමිටුවෙන් යයි

2025 ඔක්තෝබර් මස 19 12254 17

බ්‍රෙික් පැටලය මාරු වී තුනක් මරු තුරුලට

2025 ඔක්තෝබර් මස 06 10145 22

පුටු මාරුව: බිමල්ගෙන් සැර ප්‍රකාශයක්

2025 ඔක්තෝබර් මස 12 9476 10

“ඇප ලැබෙන විදිහට බඩු නොදැම්මොත් මරනවා”

2025 ඔක්තෝබර් මස 10 8365 2

2025 ඔක්තෝබර් මස 08 1482 0

ශ‍්‍රී ලංකාවේ සෞඛ්‍ය සේවාවේ උන්නතිය සඳහා වන කැපවීම ස්ථිර කරමින් හේමාස් සමාගම තලවතුගොඩදී නවීනතම රෝහලක් ආරම්භ කරයි

හේමාස් සමාගම සිය නවීන තෘතීයික සත්කාර රෝහල ආරම්භ කිරීම පිළිබඳව අද දින තලවතුගොඩ දී නිවේදනය කරනු ලැබීය.

2025 ඔක්තෝබර් මස 01 1325 0

මහාචාර්ය මොහාන් මුණසිංහ මහතා මුම්බායි හි පැවති එක්සත් ජනපද-ඉන්දියානු ව්‍යාපාරික සමුළුවේදී ඇමරිකා එක්සත් ජනපදයේ නිව් ජර්සිහි ආණ්ඩුකාර ෆිල් මර්ෆි මහ

2007 නොබෙල් සාම ත්‍යාගයේ (උප සභාපති, IPCC) සම-ජයග්‍රාහකයා සහ 2021 නිල් ග්‍රහලෝක ත්‍යාගලාභී මොහාන් මුණසිංහ මහතා, 2025 සැප්තැම්බර් 24 වන දින මුම්බායි හි පැවති ඉහළ මට්ට

2025 සැප්තැම්බර් මස 23 474 0

ජනසතු සේවා සත් සාමාජික පාපන්දු ශූරතාවය ශ‍්‍රී ලංකා ඉන්ෂුවරන්ස් දිනාගනී.

ජනසතු සේවා සත් සාමාජික පාපන්දු ශූරතාවයේ ඊ ඛාණ්ඩයේ ශූරතාවය ජයග‍්‍රහණය කිරීමට ශ‍්‍රී ලංකා ඉන්ෂුවරන්ස් පාපන්දු කණ්ඩායම සමත් විය. ශ‍්‍රී ලංකා ඉන්ෂුවරන