2021 සැප්තැම්බර් මස 24 වන සිකුරාදා
සායනික අපද්‍රව්‍ය තොගයක් වනාතවිල්ලුව ලැක්ටෝවත්තට ගෙනවිත් දමලා
(හිරාන් ප්‍රියංකර ජයසිංහ)
වනාතවිල්ලුව පුබුදුගම ආසන්නයේ ඉඩමකට කිසියම් පිරිසක් සායනික අපද්‍රව්‍ය තොගයක් දමා ගොස් තිබියදී අද(03) හමුවී ඇති බව පුබුදුගම ගම්වාසීහු පවසති.
වනාතවිල්ලුව පුපුරණ ද්‍රව්‍ය සොයා ගත් ලැක්ටෝ වත්ත වතු යාය කෙළවරේ කැලෑ සහිත ප්‍රදේශයට මෙම සායනික අපද්‍රව්‍ය තොගය කිසියම් පිරිසක් ගෙන දමන්නට ඇති බව ඔවුහු කියති.
මෙම සායනික අප ද්‍රව්‍ය තොගයේ භාවිත කළ එන්නත් කටු, භාවිතා කළ සහ නොකළ ඖෂධ කුඩා කුප්පි, රේසර් හා වෙනත් දෑ මෙම තොගයේ ඇති බව ද ඔවුහු කියති.
සායනික අපද්‍රව්‍ය තොගය වළකට දමා තිබියදී ගම්වාසියකු දැක පසුව ඔහු දැනුවත් කර ඇත.
මෙම සායනික අපද්‍රව්‍ය තොගයේ දුරකතන සිම්පත්වලින් ඉවත් වන කොටස් ද තිබූ අතර එයට අමතර කාලය අවසන් වාහන රක්ෂණ කාඩ්පත් කිපයක්ද තිබිණි.
මේ පිළිබඳව පුත්තලම සෞඛ්‍ය වෛද්‍ය නිලධාරී එස්.ආර්. ඒ.පී. හර්ෂණී මහත්මියගෙන් කළ විමසිමේදි පවසා සිටියේ මෙවැන්නකි.
“ මේ පිළිබඳව අපිට තවමත් තොරතුරක් ලැබිලා නැහැ. නමුත් මේ තොරතුර අනුව අදම මා එම ස්ථානයට ගොස් සායනික අප ද්‍රව්‍ය පරීක්ෂා කර තොරතුරක් ලබා දෙන්නම්” යැයි පැවසුවාය.
