(ඡායාරූප හා සටහන- මස්කෙළිය ගාමිණී බණ්ඩාර ඉලංගන්තිලක)
 

ගිනිගත්හේන විවිධ සේවා සමූපාකාර සමිතියට අයත් ප්‍රධාන ගොඩනැගිලි පරිශ්‍රයේ අද (03) ගිනි ගැනීමක් ඇතිවු බව ගිනිගත්හේන පොලිසිය පවසයි.

 
එම ගොඩනැගිලි පරිශ්‍රයේ පවත්වාගෙන යන ටයිල් හා ගොඩනැගිලි ඉදිකිරිම් ද්‍රව්‍ය අලෙවිසළක අද පෙ.ව.10.30 පමණ ගිනි ගැනීමක් සිදුවී තිබේ. ගින්න ඇතිවන අවස්ථාවේ වෙළඳසැල් හිමියන් වසා දමා ඊට ආසන්නයේ පැවති උපකරණ වෙන්දේසියක් සඳහා සහභාගි වෙමින් සිට තිබේ.
 
ගිනිගැනීමෙන් එහි වූ ටයිල් ඇතුළු ද්‍රව්‍ය කීපයකටම හානි සිදුවී තිබේ.
 
ගිනි ගැනීමත් සමග පිටවූ දුමාරය නිසා අවට වෙළඳසැල් හිමියන් විසින් කෑකෝ ගැසීමත් සමග එම වෙළඳසැලේ හිමියන් පැමිණ දොර විවෘත කර ප්‍රදේශවාසීන්ගේද සහයෝගය ඇතිව ගින්න පාලනය කිරීමට පියවර ගෙන ඇත.
 
එම නිසා ගින්න නිවී ගිය අතර පුද්ගල හෝ ජීවිත හානි සිදු නොවීය.
ගින්නට හේතුව මෙතෙක් අනාවරණය වී නොමැති අතර ගිනිගත්හේන පොලිසිය සිද්ධිය සම්බන්ධයෙන්  පරීක්ෂණ පවත්වයි.