(නිමල කොඩිතුවක්කු)

විද්‍යා තාක්ෂණ හා පර්යේෂණ අමාත්‍යාංශය විසින් ක‍්‍රියාත්මක කරනු ලබන ශ්‍රී ලංකා තාක්ෂණ විප්ලවය -  ශිල්ප සේනා වැඩසටහනේ  පළමු ප‍්‍රදර්ශනය අග‍්‍රාමාත්‍ය රනිල් වික‍්‍රමසිංහ මහතාගේ ප‍්‍රධානත්වයෙන් කොළඹ බණ්ඩාරනායක අනුස්මරණ ජාත්‍යන්තර සම්මන්ත‍්‍රණ ශාලා පරිශ‍්‍රයේදී හෙට (18) පෙරවරු 10.00 ට ආරම්භ වෙයි.

අද සිට දින හතරක් පුරා පැවැත්වෙන මෙම ප‍්‍රදර්ශනය ලබන 21 ක් වැනිදා අවසන් වේ.

තාක්ෂණ කලාපය, ව්‍යවසාවකත්වය  හා රැකියා වෙළඳපොළ, නවෝත්පාදන කලාපය සහ අධ්‍යාපන සහ  විනෝදාත්මක  කලාපය ලෙස කලාප  5ක් යටතේ ශිල්ප සේනා ප‍්‍රදර්ශනය පැවැත්වේ.

විද්‍යා, තාක්ෂණ හා නවොත්පාදන විෂයට ජනතාව වැඩි වශයෙන් යොමු කිරීමේ අරමුණින් මෙම ප‍්‍රදර්ශනය සංවිදානය කළ  බව විද්‍යා තාක්ෂණ හා පර්යේෂණ කැබිනට් නොවන අමාත්‍ය සුජීව සේනසිංහ  මහතා පැවසීය.

ශිල්ප සේනා ප‍්‍රදර්ශනය පිළිබඳ මාධ්‍ය දැනුවත් කිරීම සඳහා රජයේ ප‍්‍රවෘත්ති දෙපාර්තමේන්තු ශ‍්‍රවණාගාරයේ පැවති මාධ්‍ය හමුවකදී  ඔහු මේ බව පැවැසීය.

ඉදිරියේදී දිවයිනේ අනෙකුත් සියලුම දිස්ත‍්‍රික්ක ඉලක්ක කරමින් මෙම ප‍්‍රදර්ශනය පවත්වන බවත් අමාත්‍යවරයා එහිදී පැවැසීය.

එමෙන්ම නවෝත්පාදන වෙනුවෙන් ඉදිරියේදී මහපොළ වැනි පොදු අරමුදලක් පිහිටුවීමට කටයුතු කරන බවත් ඔහු වැඩිදුරටත් කීවේය.