(තුසිත කුමාර ද සිල්වා) 

පවතින අධික වර්ෂාපතනයත් කළුතර දිස්ත්‍රික්කයේ ජල ගැලීමට ලක්වූ පවුල් 141 පුද්ගලයන් 500ට අධික පිරිසක් පීඩාවට පත්ව ඇතැයි කළුතර දිස්ත්‍රික් ලේකම් යූ.ඩී.සී ජයලාල්  මහතා අද (24) පැවසීය.

මෙසේ ජල ගැලීමෙන් පීඩාවට පත්වී ඇත්තේ මතුගම, බුලත්සිංහල,පාලින්දනුවර,වළල්ලාවිට හා බදුරලිය යන ප්‍රාදේශීය ලේකම් කොට්ඨාස වලට අයත් ග්‍රාම නිලධාරී වසම්වල ජීවත්වන ජනතාව බව දිසා ලේකම් පැවසීය.

වර්ෂාව අද (24) දිනයේත් පවතින බවත්, දිස්ත්‍රික්කයේ සෙසු ප්‍රාදේශීය ලේකම්වල පහත්බිම් ඇතුළු අතුරුමාර්ග ජලයෙන් යට වී ඇති අතර එම ප්‍රදේශවලට දැඩි බලපෑමක් නොවන බවත් ප්‍රාදේශීය ලේකම්වරු වාර්තා කර ඇතැයි දිසා ලේකම්වරයා වැඩිදුරටත් පැවසීය.