2023 මාර්තු මස 20 වන සඳුදා
ශාන්ත කුලරත්න සහ බිමල් ශ්‍යාමන් ජයසිංහ
දිවා කාලයේ නිවසට පැමිණි පුද්ගලයකු තියුණු ආයුධයක් පෙන්වා තමා බිය ගන්වා ලක්ෂ පහක් වටිනා රන් භාණ්ඩ තොගයක් පැහැරගෙන ගිය බවට ව්‍යාජ පැමිණිල්ලක් සිදුකර තිබූ කාන්තාවක් අත්අඩංගුවට ගත් බව කහතුඩුව පොලිසිය පවසයි.
මාස 2 ක් පුරා සිදු කළ දීර්ඝ විමර්ශනයකින් පසුව කහතුඩුව ප්‍රගති මාවතේ පදිංචි 33 හැවිරිදි කාන්තාවක් මෙසේ අත්අඩංගුවට ගෙන ඇත.
සැකකාරිය මෙම රන් භාණ්ඩ යාබද නිවසේ කාන්තාව ලවා සඟවා ඇති අතර සැමියාට ද නොදන්වා නිවසේ භාණ්ඩ කොල්ල කෑ ආකාරයෙන් පොලිසිය නොමඟ යවා ඇතැයි පැවසේ.
සැකකාරිය කැස්බෑව අධිකරණයට ඉදිරිපත් කිරීමට නියමිතය.
