(සුදත් එච්. එම්. හේවා)
 
හැටන් කොළඹ ප්‍රධාන මාර්ගයේ ධාවනය වෙමින් තිබූ වෑන් රථයක් වටවල ප්‍රදේශයේ මාර්ගයෙන් ඉවතට පැන ප්‍රපාතයට පෙරළීමෙන් එහි ගමන් ගත් නවදෙනෙකු තුවාල ලබා ඇතැයි වටවල පොලිසිය පවසයි.
 
තුවාල ලැබූවන් වටවල ප්‍රාදේශීය රෝහලට ඇතුළත් කර ඇති අතර පසු වැඩිදුර ප්‍රතිකාර සඳහා ඉන් හතරදෙනකු නාවලපිටිය මූලික රෝහලට මාරු කර යවා ඇත. 
 
හැටන් ප්‍රදේශයේ පිරිසක් ගාල්ල ප්‍රදේශයේ පැවැති අවමංගල නිවසකට ගොස් නැවත පැමිණෙමින් සිටියදී මෙම අනතුර සිදුව තිබේ.
 
 
වැන් රථයේ රියදුරුට නින්දයාමෙන් මෙම අනතුර සිදුව ඇති බවට සැකකරන බව පොලිසිය පවසයි.
 
මේ පිළිබඳව වටවල පොලිසිය වැඩිදුර පරීක්ෂණ පවත්වයි.