(ශාන්ත චන්ද්‍රසිරි)

තලවකැලේ - නුවරඑළිය මාර්ගයේ නානුඔය , බංගලාහත ප්‍රදේශයේදී වෑන් රථයක් හා ත්‍රීරෝද රථයක් මුහුණට මුහුණ ගැටීමෙන් අද (26) සිදු වූ අනතුරකින් එක් අයෙකු ජීවිතක්ෂයට පත්ව ඇතැයි නානුඔය පොලිසිය පවසයි.

අනතුරින් මියගොස් ඇත්තේ ත්‍රී රෝද රථයේ රියදුරා බවත් ඔහු නානුඔය ප්‍රදේශයේ පදිංචි 65 හැවිරිදි  අයෙකු බවත් පොලිසිය කියයි.

නුවරඑළියේ සිට නානූඔය දෙසට ධාවනය වෙමින් තිබූ ත්‍රී රෝද රථය තලවකැලේ සිට නුවරඑළිය දෙසෙට ධාවනය වූ වෑන් රථයේ වැදී ඇති අතර ත්‍රී රෝද රථ රියදුරාගේ නොසැලකිලිමත්කම හේතුවෙන් මෙම අනතුර සිදුව ඇති බව පොලිසිය සිදු කරන ලද මූලික පරීක්ෂණවලදී අනාවරණය වී තිබේ.

තුවාල ලැබූ ත්‍රී රෝද රථයේ රියදුරා නුවරඑළිය මහ රෝහලට රැගෙන යන අතරතුර මියගොස් ඇතැයි රෝහල් ප්‍රකාශකයෙකු කීය.

වෑන් රථයේ රියදුරා පොලිසිය මගින් අත්අඩංගුවට ගෙන ඇති අතර අනතුර සම්බන්ධයෙන් නානුඔය පොලිසිය වැඩිදුර පරීක්ෂණ සිදු කරනු ලබයි.