(  ක.ග කරුණාරත්න  සහ නිමල් ජයරත්න )

පොළොන්නරුව, ඓතිහාසික දිඹුලාගල ආරණ්‍ය සේනාසන භූමිය තුළ පිහිටි කඩ මැස්සක නිදාගෙන සිටි 75 හැවිරිදි පුද්ගලයෙකු අද (09) වන අලියෙකු පහරදීමෙන් මිය ගොස් ඇතැයි අරලගංවිල පොලීසිය කියයි.

එසේ මියගොස් ඇත්තේ දිඹුලාගල, පළමු පිය පියවර අංක 1/4 ලිපිනයේ පදිංචි බී.කරෝලිස් (75) යන අයයි. 

මේ පුද්ගලයා බොහෝ කාලයක සිට දිඹුලාගල විහාරස්ථානයේ අත් උදව්කරුවෙකු ලෙස කටයුතු කරන බවත් රාත්‍රී කාලයට විහාරස්ථාන භූමියේ පිහිටි තාවකාලික වෙළඳසැලක නිදා ගන්නා බවත් පොලීසිය සිදුකළ විමර්ශනවලදී හෙළිවී තිබේ.

අරලගංවිල පොලීසිය මේ පිළිබඳව පරීක්ෂණ පවත්වයි.

 ( ඡායාරූපය- නිමල් ජයරත්න)