(උපාලි ආනන්ද)
 
ව්‍යාජ විස්තර සහිත අදායම් සහතිකයක් සකස් කළ බවට අනුරාධපුර මහේස්ත‍්‍රාත් අධිකරණය හමුවේ චෝදනා ලබා සිටි ප‍්‍රාදේශීය ලේකම් කාර්යාලයක ලිපිකරුවෙකු සහ කාර්යාල කාර්ය සහයකයෙකු එම චෝදනාවෙන් නිදොස්කර නිදහස් කර මුදා හරින  ලෙස අනුරාධපුර ප‍්‍රධාන මහේස්ත‍්‍රාත්  සහ අතිරේක දිසා විනිසුරු හර්ෂණ කැකුණවෙල මහතා නියෝග කළේය.
 
මෙසේ නිදොස් කොට නිදහස් කර මුදා හැරියේ නාච්චාදුව ප‍්‍රාදේශීය ලේකම් කාර්යාලයට අනියුක්තව සේවය කල ලිපිකරුවෙකු වන ඉපලෝගම ගෝනපතිරව මානාව ෆාම් හවුස් ලිපිනයේ සරත් සිසිල් රාජකරුණා  නැමැති ලිපිකරුවෙක් සහ එම ප‍්‍රාදේශීය ලේකම් කාර්යාලයේම කාර්යාල කාර්ය සහයකයෙකු වන අනුරාධපුර සුචරිතගම ලිපිනයේ ඩබ් ගිරිගෝරිස් යන සැකකරුවන්ය .
 
2014 වසරේ ඔක්තෝබර් මස 5 වන දින හේ ඊට ආසන්න  දිනයක  නාච්චාදුව ප‍්‍රාදේශීය ලේකම් කොට්ටාශයේ අංක 259 තුලානේ  ග‍්‍රාම නිලධාරිණියගේ අත්සන සහ නිළ මුද්‍රාව ව්‍යාජ ලෙස යොදා ගෙන සැකකරුවන් මෙම වරද සිදු කර ඇති බවට අනුරාධපුර පොලිස් විශේෂ අපරාධ විමර්ශන අංශය  ඔවුනට  එරෙහිව අනුරාධපුර මහේස්ත‍්‍රාත් අධිකරණය හමුවේ නඩු පවරා තිබිණ සැකකරුවන් වෙනුවෙන් ජ්‍යෙෂ්ඨ නීතිඥ චන්දන වීරකෝන් මහතා පෙනී සිටි අතර පැමිණිල්ල වෙනුවෙන් අනුරාධපුර පොලිස් විශේෂ අපරාධ විමර්ශණ අංශයේ නිලධාරීන්  පෙනී සිටියේයෙ.