ලන්ඩන් නුවර ශ්‍රී සම්බෝධි විහාරස්ථානයට දිගු කලක සිට අඩුවක්ව පැවති දාන ශාලාවත් නව විහාර පරිශ්‍ර ගොඩනැඟිල්ලත් සඳහා මුල්ගල් තැබීම පසුගියදා ශ්‍රී ලංකා රාමඤ්ඤ මහා නිකායේ මහා නායක මාපානේ පේමසිරි මහනාහිමියන්ගේ අතින් සිදුකෙරුණි.

විහාරස්ථානයේ තැන්පත් කර ඇති බෝධීන් වහන්සේ සඳහා ඉදිකෙරුණ රන්වැට ද එදින මහනාහිමියන්ගේ සුරතින් අනාවරණ කෙරුණි.

කොළඹ 7 ශ්‍රී සම්බෝධි විහාරස්ථානයේ සහ බෞද්ධයා මාධ්‍ය ජාලයේ සභාපති දරණාගම කුසලධම්ම හිමියන්ගේ ආරාධනයෙන් ලන්ඩන් නුවරට වැඩම කරවූ මහනාහිමියන් කැටුව ශ්‍රී ලංකාවේ නායක හිමිවරු කිහිප නමක්ම වැඩම කළහ.

මල්වතු පාර්ශවයේ අනුනායක දිඹුල්කුඹුරේ විමලධම්ම හිමි, අස්ගිරි පාර්ශ්වයේ අනුනායක වේඬරුවේ උපාලි හිමි සහ මාලිගාකන්ද විද්‍යෝදය පිරිවෙනෙහි පරිවේණාධිපති  බලන්ගොඩ සෝභිත හිමියන් වුහ.

පිංකම සඳහා මහා බ්‍රිතාන්‍යයේ ප්‍රධාන සංඝ නායක ලන්ඩන් බෞද්ධ විහාරාධිපති  බෝගොඩ සීලවිමල නාහිමි, රාමඤ්ඤ නිකායේ මහා බ්‍රිතාන්‍යයේ සංඝ නායක බර්මින්හැම් ජේතවන විහාරස්ථානාධිපති කැප්පෙටියාගොඩ ගුණවංශ නාහිමි, ශ්‍රී සම්බෝධි විහාරවාසී  මඩුගල්ලේ මහානාම හිමි සහ නාවෙලගම අමිතදස්සී හිමියන් ඇතුළු මහා සංඝයා වහන්සේ 11 නමක් ද නව ගොඩනැඟිලි ඉදිකිරීම සඳහා බරපැන දරණ කල්‍යාණ ඔබේසේකර සහ නදීරා ඔබේසේකර යුවල සමඟ විශාල සැදැහැවතුන් පිරිසක් ද සහභාගී වුහ.

1[1] 2[1] 3[1] 6[1] 7[2] 8[1]