(හිරාන් ප්‍රියංකර ජයසිංහ)

කොළඹ සිට පුත්තලම නාගවිල්ලුවට රැගෙන එමින් තිබූ රුපියල් ලක්ෂ 10 ක් පමණ වටිනා බ්‍රවුන් ෂුගර් වර්ගයේ මත් කුඩු තොගයක් සමඟ සැකකරුවන් දෙදෙනෙකු අද  (15) අත්අඩංගුවට ගත් බව පුත්තලම කොට්ඨාස විෂ මත් ද්‍රව්‍ය ඒකකය පවසයි.

අදාල සැකකාර ජාවාරම් කරුවන් දෙදෙනා වත්තල ප්‍රදේශයේ සිට නාගවිල්ලුව ප්‍රදේශයේ ජාවාරම්කරුවකුට ලබා දීමට රැගෙන එමින් තිබූ මෙම බ්‍රවුන් ෂුගර් තොගය පුත්තලම කොට්ඨාස විෂ මත් ද්‍රව්‍ය ඒකකයට ලැබුණු තොරතුරක් මත මෙම වැටලීම සිදු කර තිබේ.

අත්අඩංගුවට ගත් සැකකරුවන් දෙදෙනා දැනට බන්ධනාගාර ගතව සිටින පුද්ගලයකුගේ ගෝලයින් බවත් ඔහුගේ අනු දැනුම මත මෙම ජාවාරම මෙහෙයවා ඇති බවත් කියයි.

අත් අඩංගුවට ගත් සැකකරුවන් හෙට (16) පුත්තලම දිසා අධිකරණයට ඉදිරිපත් කිරීමට නියමිත බව එම ඒකකය පැවැසීය.