(රොමේෂ් මධුෂංඛ)
 
යුද්ධය හේතුවෙන් අවතැන්ව, යාපනය දිස්ත්‍රික්කයේ නැවත පදිංචි වූ වැසියන් වෙනුවෙන් ඉදිකරන ලද පොකුරු නිවාස ව්‍යාපෘතියක් ජනසතු කිරීමට  ජාතික ප්‍රතිපත්ති, ආර්ථික කටයුතු, නැවත පදිංචි කිරීම හා පුනරුත්ථාපන, උතුරු පළාත් සංවර්ධන සහ යෞවන කටයුතු අමාත්‍යංශය පියවර ගෙන ඇත.

මෙම පොකුරු නිවාස සඳහා රුපියල් මිලියන 72 ක මුදලක් වැය කර තිබේ.

ඒ අනුව යාපනය උඩුවිල් ප්‍රදේශයේදී ඒවනෙයි ගම්මානයේ පොකුරු නිවාස ව්‍යාපෘතිය වෙනුවෙන් ඉදිකෙරුණු නිවාස 53 ක් එම අමාත්‍යංශ ලේකම් වී. සිවඥානසෝති මහතාගේ ප්‍රධානත්වයෙන් ජනතා අයිතියට පත් කෙරිණි.
 
මෙම නිවාස වැඩසටහනට සමගාමීව පානීය ජලය, විදුලිය, සනීපාරක්ෂක පහසුකම්, අභ්‍යන්තර මාර්ග, ප්‍රජා ශාලාව, ආගමික ස්ථාන ඇතුළු යටිතල පහසුකම් සපයා දීමට ද එම අමාත්‍යංශය කටයුතු යොදා තිබේ.
 
මෙම අවස්ථාවට යාපනය දිස්ත්‍රික් ලේකම් එන්. වේදනායගම්, අතිරේක දිස්ත්‍රීක් ලේකම් එස්. මුරලිදරන්, උඩුවිල්  ප්‍රාදේශීය ලේකම් එස්.ජයකාන්ත් ඇතුළු රජයේ නිලධාරීහු පිරිසක් සහභාගි වී සිටියහ.