(පුෂ්පකුමාර මල්ලවආරච්චි)

ශ්‍රී ලංකා යුද හමදාවේ ගුවන් සංක්‍රමනික බල සේනාවට වසර 25 ක් පිරීම හා යුද ජයග්‍රහණයට වසර 10 ක් පිරීම හේතුවෙන් පසුගිය 29 වැනිදා මැදවච්චියෙන් ආරම්භ කෙරුණු  යුද සෙබලුන්ගේ පා ගමනේ හත්වැනි දිනය විශාල ජනතාවකගේ සුබ පැතුම් මැද අද (05) පස්යාල නගරයෙන් නිමාවිය.

යුද හමුදාවේ අභිමානය පිළිබිඹු කිරීමත් රටේ අස්ථාවර තත්ත්වයක් නැති බවට ජනතාව තුළ ආකල්පමය වෙනසක් ඇති කිරීමත් අරමුණු කර ගනිමින් මෙම පා ගමන සංවිධානය කළ බව ඊට එක්ව සිටි යුද හුමදාවේ උසස් නිලධාරියෙක් සඳහන් කළේය.

වරකාපොල සිට පස්යාල දක්වා දිගින් දිගටම විහාල ජනතාවක් මග දෙපස එක්වී යුද සෙබලුන් දිරිමත් කළ අතර වැඩිදෙනා අත ජාතික කොඩි තිබෙනු දැකිය හැකිවිය.

පා ගමනේ පිරිස් වෙත සංග්‍රහයන්ද සංවිධාන කර තිබූ අතර  අද පා ගමනේ විවේක දිනය වේ. 

හෙට (07) උදෑසන පස්යාලෙන් ආරම්භ වන පා ගමන කඩවත දක්වා යෙදී ඇති අතර පා ගමනේ අවසානය කොළඹ නිදහස් චතුරස්‍රය දක්වා ගමන් කිරීමට නියමිතය.