2023 මාර්තු මස 25 වන සෙනසුරාදා
ඔගස්ටින් ප්‍රනාන්දු
මාදම්පේ ගලහිටියාව ප්‍රදේශයේ තරුණයන් මත්ද්‍රව්‍ය අලෙවි කිරිමේ ජාවාරමක් පවත්වා ගෙන ගිය 18 වැනි වියේ පසුවන තරුණයකු මත්ද්‍රව්‍ය තොගයක් සමඟ අත්අඩංගුවට ගත් බව මාදම්පේ පොලිසිය කියයි.
මාදම්පේ ප්‍රදේශයෙහි මත්ද්‍රව්‍ය අලෙවි කරමින් සිටිය දී අත්අඩංගුවට ගත් පළමු පුද්ගලයා මෙම සැකකරු වේ.
ගලහිටියාව ප්‍රදේශයේ වාහන අලුත්වැඩියා කරන ස්ථානයක රැදී සිටින තරුණයෙක් කිසියම් මත්ද්‍රව්‍ය තරුණයන් අතර අලෙවි කරන බවට ලද තොරතුරක් මත මාදම්පේ පොලිසියේ නිලධාරින් පිරිසක් කළ පරීක්ෂණයකින් මොහු අත්අඩංගුවට ගෙන තිබේ.
සැකකරු කොළඹ මෝදර ප්‍රදේශයේ පදිංචිකරුවෙකි. මොහු වාහන පින්තාරු කරන්නෙකු ලෙස සේවය කරමින් මෙලෙස මත්ද්‍රව්‍ය අලෙවි කර ඇති බව කියයි.
සැකකරු මාදම්පේ අධිකරණයට ඉදිරිපත් කිරිමට නියමිතය.
