2023 මාර්තු මස 20 වන සඳුදා
(ශාන්ත ප්‍රදීප් කුමාර කුලරත්න)
හෝමාගම පොලිස් වසමේ , මාගම්මන,දොලේකඩේ මාර්ගයේ නියඳගල වෙල්‍ යායේ කැලෑබද පෙදෙසක ,මෝටාර් උණ්ඩ දෙකක් තිබී අද (13) සොයා ගත් බව හෝමාගම පොලිසිය පවසයි .
අද (13) දහවල් වෙල්යාය පිරිසිදු කරමින් සිටි ගොවි මහතකුට බෑගයක බහා තිබූ පාර්සලයක් පරික්ෂා කිරීමේදී ඒ තුළ කිසියම් සැක සහිත පාර්සලයක් තිබී හමුවීමත් සමග පොලිසිය දැනුවත් කර තිබේ.
මේ දිනවල ගිනි අවි ,පුපුරණ ද්‍රව්‍ය සහ මත්ද්‍රව්‍ය වැටලීම් සිදුකරන හෙයින් ඒ පිළිබඳ බියට පත් කිසියම් අයකු මෙම මෝටර් උණ්ඩ දෙක මෙම ස්ථානයට ගෙනවිත් දමන්නට ඇතැයි පොලිසිය සැක කරයි.
ඒ අනුව මෙම උණ්ඩ දෙක අධිකරණ නියෝගයක් හරහා බෝම්බ නිෂ්ක්‍රිය අංශයට බාර දී නිෂ්ක්‍රීය කිරීමට පියවර ගන්නා බව පොලිසිය පවසයි .
