(නයිනමඩම චන්දන ප්‍රනාන්දු)           

ඊයේ (23) රාත්‍රියේ බොරලැස්ස බෝලවත්ත මාර්ගයේ මිරිස්සන්කොටුව ප්‍රදේශයේ සිදු වු යතුරුපැදි පාපැදි අනතුරකින් පාසැල් සිසුවෙක් මියගොස් හතරදෙනෙක් තුවාල ලබා ඇති බව වෙන්නප්පුව පොලිස් රථවාහන අංශය පවසයි.

මෙලෙස මියගොස් ඇත්තේ නයිනමඩම වෙරළ පාරේ තල්ගහවත්තේ පදිංචි එම් ඒ ෂේම් ලොහාන් 15 නැමති සිසුවෙකි.                                                          

ඊයේ රාත්‍රී 8 ට පමණ අමතර පන්තියකට සහභාගි වු මිතුරෙකු නිවසට ඇරලවීම සඳහා මිතුරන් දෙදෙනෙක් සමග යතුරු පැදියේ බෝලවත්ත දෙසට ගමන් කිරිමේදි එම දෙසටම ඉදිරියෙන් ගිය පාපැදි 2 ක ගැටි ඇදියගිය යතුරුපැදිය පදවාගෙන ගිය සිසුවා මාර්ගය අසල තිබු බෝක්කු ගැට්ටක වැදි මෙම අනතුර සිදු වි ඇති බවට මූලික පරික්ෂණවලදි තහවුරු බව පොලිසිය කීය.                                                     

මියගිය සිසුවා නයිනමඩම ප්‍රදේශයේ ජාත්‍යන්තර විදුහලක ඉගෙනුම ලබන සිසුවෙකි.

යතුරුපැදියේ ගමන් ගත් තවත් සිසුන් දෙදෙනෙක් හා පාපැදිවල ගමන් ගත් 70 හා 49 හැවිරිදි දෙදෙනෙක්ද අනතුරින් තුවාල ලබා මාරවිල හා මීගමුව රෝහල්වල ප%තිකාර ගන්නා බව පොලිසිය කියයි.

පාපැදියේ ගමන්ගත් 70 හැවිරිදි අයගේ තත්වය තරමක් බරපතල බව රෝහාල් ආරංචි මාර්ග පවසයි.

යතුරුපැදියේ අධික වේගය මෙම අනතුරට හේතු වි ඇති බවත් අනතුරෙන් පසුව මීටර් 40 කම පමණ දුරක් ඇදිගොස් බෝක්කු ගැට්ටේ මියගිය සිසුවාගේ හිස ගැටි ඇති බවත් ආරක්ෂිත හිස්වැසුම් පැළඳ සිටියත් අනතුරත් සමග එය ගැලවි ඇති බවට මූලික පරික්ෂණවලදි තොරතුරු හෙළි වු බවයි.                                                

වෙන්නප්පුව සහකාර පොලිස් අධිකාරි දේශප්‍රිය ජයතිලක මහතාගේ අධීක්ෂණයෙන් මූලස්ථාන ප්‍රධාන පොලිස් පරික්ෂක එල් බී අබේරත්න මහතාගේ උපදෙස් මත පොලිස් රථවාහන අංශයේ ස්ථානාධිපති උප පොලිස් පරික්ෂක රන්ජන රණතුංග මහතාගේ මෙහෙයවිමෙන් කොස්තාපල් 55530 රාජපක්ෂ යන අය විසින් වැඩි දුර පරික්ෂණ සිදුකරයි.