(සමන් පාලිත නානායක්කාර)

බදුල්ල දිස්ත්‍රික්කය තුළ විශාල ගිනි ගැනීම් දෙකක් අද (01) සවස සිට පැතිර යන බව බදුල්ල ආපදා කළමනාකරණ මධ්‍යස්ථානය කියයි.

එක් ගින්නක් ඇල්ල මඩුගස්තලාව කන්දේ  විශාල වශයෙන් පැතිර යන බවත්, කිරවනාගම පතහා ගෝනගල කන්ද කැලෑ රක්ෂිතයේ තවත් ගින්නක් පැතිර යන බවත් ආපදා කළමනාකරණ මධ්‍යස්ථානය කියයි.

වන රක්ෂණ  නිලධාරීka ගින්න නිවීම සඳහා දැඩි උත්සාහයක යෙදී  ඇතත්  රාත්‍රී කාලයේ අඳුර  නිසාත් ළඟාවීම අපහසු දැඩි බෑවුම් සහිත ස්ථාන වල අක්කර ගණනක් පුරා මේ වන විට ගින්න පැතිර ඇති නිසාත් ගින්න නිවීමට  මහත් පරිශ්‍රමයක් දැරීමට සිදුවී ඇති බව සහන සේවකයෝ පවසති.

ඇල්ල මඩුගස් තලාව ගින්න නිවීම සඳහා උමාඔය ව්‍යාපෘතියේ ගිනි නිවන ඒකකයේ   සහාය ලබාගෙන ඇති බව බදුල්ල ආපදා කළමනාකරණ මධ්‍යස්ථානයේ සහකාර අධ්‍යක්ෂ ඊ.එම්.එල්. උදයකුමාර මහතා පැවසීය.