(බිමල් ශ්‍යාමන්)

කහතුඩුව පොල්ගස්ඕවිට උන්දුරුගොඩ ශ්‍රී විජයනන්දරාම විහාරස්ථානයේ පිං කැට පහක් කඩා එහි මුදල් හා පිත්තල පහනක් සොරා ගත් පුද්ගලයකු අත් අඩංගුවට ගෙන ඇතැයි කහතුඩුව පොලිසිය කියයි.

අත් අඩංගුවට ගත් පුද්ගලයා එස්.එම් නොහොත් පිං කැටයා යන අනුවර්ථනාමයෙන් හදුන්වන අයෙකි. ඉකුත් 19 වැනිදා පිං කැටයක තිබු මුදල් සොරාගත් අයුරු සී.සී.ටී.වී. කැමරාවේ සටහන්ව ඇත.

සිදු වු එම සොරකම සම්බන්ධයෙන් සී.සී.ටී.වී. කැමරා පරීක්ෂා කිරීමේදී එම පුද්ගලයා හදුනාගෙන හොමාගම මාගම්මන ප්‍රදේශයෙදී අත් අඩංගුවට ගත් බව පොලිසිය කියයි.

පොලිසිය කර ප්‍රශ්න කිරීමේදී සොරාගත් මුදල් වලින් මත්කුඩු පානය කර ඇති බවට අනාවරණය වී ඇත. මීට පෙර මෙම සැකකරු පන්නිපිටිය දෙව්රම් වෙහෙර විහාරස්ථානයේ බුද්ධ ප්‍රතිමා වහන්සේගේ රනින් නිමවන ධාතූන් වහන්සේ නමක් සොරාගැනීම සම්බන්ධයෙන් මහරගම පොලිසියෙන් අත් අඩංගුවට ගත් පුද්ගලයෙකු බව පොලිසිය කියයි.

සැකකරු කැස්බෑව අධිකරණයට ඉදිරිපත් කිරීමෙන් අනතුරුව ලබන මස 02 වැනිදා තෙක් රිමාන්ඩ් කිරීමට නියෝග කර තිබේ.