IMG-LOGO

පෞද්ගලික ඉඩමක දුරකතන කුලුනක් ඉදිකරනවාට විරෝධතාවක්

(ඩී.ජී.සුගතපාල)
 
ගාල්ල බටගන්විල පෞද්ගලික ඉඩමක දුරකතන කුලුනක් ඉදිකිරීම නතරකරන්නැයි ඉල්ලා ප්‍රදේශවාසීහු පිරිසක් අද(18) ඉඩමට පිවිසෙන මාර්ගය අවහිර කරමින්  විරෝධතාවක නිරතවූහ.
 
කිසිදු අවසරයකින් තොරව මෙම දුරකතන කුලුන ඉදිකරන බවත්,  එයින් නිකුත් වන අධි සංඛ්‍යාත තරංග මගින් පිළිකා අවදානම ඇතුළු සෞඛ්‍ය ගැටලු මතුවන බවත්, මී මැස්සන් වඳවීම, අකුණු අවධානම ඇතිවීම වැනි ගැටලු මතුවන බවත් ඔවුහු පැවසූහ.
 
එම ස්ථානයට පැමිණි ගාල්ල නගරාධිපති ප්‍රියන්ත සහබන්දු මහතා කියාසිටියේ මෙම කුලුන ඉදිකිරීමට ඉඩම් හිමියා 2017 වසරේ ඉඩම ලබාදී ඇති අතර මේ සඳහා නගර සභාවෙන් අනුමැතිය ලබාගෙන නොමැති බවය. එවකට බලය තිබු නාගරික සංවර්ධන අධිකාරියෙන් පමණක් අවසරයක් ලබාගෙන ඇති බවද නගරාධිපතිවරයා කිය.
 
මේ සම්බන්ධයෙන් නාගරික ඉංජිනේරුවරයා හෝ තාක්ෂණික දැනුවත් කර නොමැති බවත් කිලෝමීටර් දෙකක් ඇතුළත දුරකතන කුලුනු දෙකකට වඩා නොතිබිය යුතු නමුත් ගාල්ල නගර සභා සීමාව තුළ කුලුනු 9ක් තිබෙන බවද ඒවා එකක්වත් අනුකූලතා සහතිකයක් ලබාගෙන නොමැති බවද නගරාධිපතිවරයා කියා සිටියේය.
 
එනිසා මෙම කුලුන ඉදිකිරීම නතර කිරීමට පියවර ගන්නා බව පැවසු නගරාධිපතිවරයා ලබන 27වන දින ජනාධිපතිවරයාගේ ප්‍රධානත්වයෙන් පැවැත්වෙන ගාල්ල දිස්ත්‍රික් සම්බන්ධීකරණ කමිටුවට ද මෙම ගැටලුව ඉදිරිපත් කරන බවද කියා සිටියේය.
 
නගරාධිපතිවරයාගේ ප්‍රකාශයෙන් පසුව විරෝධතාකරුවෝ විසිර ගියහ.

 

 



අදහස් (2)

පෞද්ගලික ඉඩමක දුරකතන කුලුනක් ඉදිකරනවාට විරෝධතාවක්

lalithm Tuesday, 18 February 2020 07:49 AM

ඔය උද්ඝෝෂකයෝ කව්රුත් දුරකථන පාවිච්චි කරන්නේ නැතිනම් ඔය විරෝධතාව හරි. එහෙම නැතිනම් ඉතින් ඔය ලෝකේ ලොකුම ලෙඩේ. ඊර්ෂ්‍යාව. කාටහරි කීයක් හරි ලැබෙන එක නවත්වන්න අවශ්‍යතාව. විරෝධතා කරුවන් කියන කතා ඔක්කොම විහිලු. කණගාටුව නගරාධිපතිත් බොරුකාරයන්ට රැවටෙන එක.

:       0       0

එච්.බී.ශාමින්ද කුමාර Tuesday, 18 February 2020 11:52 AM

මෙය ඉතා විශාල වරදක්. මෙවැනි කුළුණු ඉදිකරන්නේ නම් ඒ සදහා ජන ඝණත්වය අඩු තැන් තෝරා ගත යුතුයි. එමගින් ජාලය පුළුල් කර ගන්න පුළුවන. එකම කුළුණක ආයතන ගණනාවක ව්‍යාප්තිය කල හැකියි. ව.කි. 2-4 වැඩි ප්‍රදේශයක් ආවරණය කිරීමෙන් කුළුණු අඩු කළ හැකියි. එමෙන්ම නියාමනය ඉතාම වැදගත්. ප්‍රජාව දැනුවත් කිරීමත් අත්‍යවශ්‍යයි.

:       0       0

ඔබේ අදහස් එවන්න

 

 
 

මේවාටත් කැමතිවනු ඇති

ස්වදේශී කොහොඹ කතරගම කිරි වෙහෙර සහ රුහුණු මහා කතරගම දේවාලය 24වන වරටත් ආලෝකමත් කරයි 2025 ජුලි මස 01 321 1
ස්වදේශී කොහොඹ කතරගම කිරි වෙහෙර සහ රුහුණු මහා කතරගම දේවාලය 24වන වරටත් ආලෝකමත් කරයි

ශ්‍රී ලංකාවේ වැදගත් පූජනීය බෞද්ධ ආගමික සිද්ධස්ථානයන් වන කතරගම කිරි වෙහෙර සහ රුහුණු කතරගම මහා දේවාලයේ 2025 ඇසළ උත්සවය, ශාකසාර සබන් සහ ශාකසාර පෞද්ගලික

ශ්‍රී ලාංකීය දේපල වෙලදාම් ක්ෂේත්‍රයේ ප්‍රමුඛතම සමාගම වන  හෝම්ලෑන්ඩ්ස් සමුහය මෙරට ඉතිහාසයේ විශාලතම දේශීය නිවාස ව්‍යාපෘති ආයෝජනය සනිටුහන් කරමින් PENTARA RES 2025 ජුනි මස 26 800 0
ශ්‍රී ලාංකීය දේපල වෙලදාම් ක්ෂේත්‍රයේ ප්‍රමුඛතම සමාගම වන හෝම්ලෑන්ඩ්ස් සමුහය මෙරට ඉතිහාසයේ විශාලතම දේශීය නිවාස ව්‍යාපෘති ආයෝජනය සනිටුහන් කරමින් PENTARA RES

එදා මෙදාතුර ශ්‍රී ලාංකීය දේපල වෙළදාම් ක්ෂේත්‍රයේ දැවැන්තම සහ අති සුඛෝපභෝගී නිවාස සංකීර්ණ ව්‍යාපෘතිය වන Pentara Residencies තුන්මුල්ල හංදිය ,The Address in Colombo එළි දැක්වීම

ශ‍්‍රී ලංකා ඉන්ෂුවරන්ස් ‘ඉහළම ජනාදරයට පත් ජීවිත රක්ෂණ සන්නාමය‘ ලෙස පිදුම් ලබයි. 2025 ජුනි මස 25 145 0
ශ‍්‍රී ලංකා ඉන්ෂුවරන්ස් ‘ඉහළම ජනාදරයට පත් ජීවිත රක්ෂණ සන්නාමය‘ ලෙස පිදුම් ලබයි.

xඅඛණ්ඩව 8වන වරටත් ‘ඉහළම ජනාදරයට පත් ජීවිත රක්ෂණ සන්නාමය‘ ශ‍්‍රී ලංකා ඉන්ෂුවරන්ස් ලයිෆ් (SLICLL) නැවත වරක් මෙරට ඉහලම ජනාදරයට පත් ජීවිත රක්ෂණ සන්නාමය ලෙස LMD හි

Our Group Site