හිරාන් ප්‍රියංකර ජයසිංහ

පුත්තලම මුලික රෝහලේ ආරක්ෂක අංශයේ නිළධාරියකුට අද ( 25 ) උදෑසන රෝහල් භුමියේදි පුද්ගලයකු පහර දිමේන් තුවාල ලබා රෝහල් ගත කර ඇති බව පුත්තලම මුලස්ථාන පොලිසිය කියයි.

මෙසේ පහර කෑමට ලක්ව ඇත්තේ අමිල සම්පත් නැමති රෝහල් ආරක්ෂක නිලධාරියකු බව කියයි.

මෙසේ පහර දී ඇති සැකකරු රෝහලේ 8 වාට්ටු ඒකකයේ ගැබිනි කාන්තාවක් බැලිම සදහා ලබා දි ඇති අවසර ප‍තට පිටින් යාමට සැරසි ඇති බවත් එය පහර කෑමට ලක්වු ආරක්ෂක නිළධාරියා විසින් වලකා ලිමට කෝප වි මෙසේ පහර දී ඇති බව කියයි.

අදාල සැකකරු ආරක්ෂක නිලධාරියා පළමුව අතින් තල්ලු කර ඇති බවත් එහිදි ඔහු බිම වැටි ඇති බවත් ඒ සමගම නැගිටිමට උත්සහ කිරීමේදි නැවත දිගින් දිගටම පහර දී දකුණු අතේහි වළලුකර ආසන්නයේ සපා කෑමකට පවා ලක්කර ඇති බව කියයි.

පසුව රෝහල් කාර්ය මණ්ඩලය හා ආරක්ෂක අංශය මැදිහත් වි ආරක්ෂක නිළධාරියා බේරා ගෙන ඇති බව කියයි.

ආරක්ෂක අංශ නිළධාරියාට පහර දුන් සැකකරු පැන යාමට සුදානම් වු අවස්ථාවේ දි රෝහල් ආරක්ෂක අංශ නිළධාරින් අදාල සැකකරු අල්ලා රෝහල් පොලිසියට භාර දී තිබුනී.

පහර කෑමට ලක්වු ආරක්ෂක අංශ නිළධාරියා ප්‍රථිකාර සදහා රෝහල් ගත කර ඇති බව කියයි.

පුත්තලම මුලස්ථාන පොලිසිය පවසා සිටියේ පහර දිමට සම්බන්ධ සැකකරු අත් අඩංගුවට ගෙන ඇති බවත් අධිකරණයට ඉදිරිපත් කිරිමට නියමිත බවයි.