(පද්මා කුමාරී කංකානම්ගේ)

පුත්තලම කළපුවේ තිරික්ක පල්ලම ප්‍රදේශයේ තංගුස් දැල් භාවිතයෙන් මසුන් මරමින් සිටි ධීවරයින් 12 දෙනෙක් ධීවර යාත්‍රා හතක් සමඟ අද (2) පුත්තලම  තම්භපණ්නී නාවික හමුදා නිලධාරීන් විසින් අත්අඩංගුවට ගෙන පුත්තලම ධීවර හා ජලජ සම්පත් කාර්‍යාලය වෙත බාරදී ඇත.

මෙම සැකකරුවන් සමඟ තංගුස් දැල් කට්ටල හතක් ද අත්අඩංගුවට ගෙන ඇත.

1996 අංක දෙක දරන ධීවර හා ජලජ සම්පත් පනතේ 28 වන වගන්තියට අනුව තංගුස් දැල් භාවිතය සපුරා තහනම් බවත් තංගුස් දැල් භාවිතය නිසා කළපු පතුලට හානි සිදුවන බවත් මත්ස්‍ය ප්‍රජාව විනාශ වන බවත් පුත්තලම සහකාර ධීවර අධ්‍යක්ෂ සරත් චන්ද්‍රනායක මහතා පැවැසීය.