(ඩී.ජී.සුගතපාල සහ සුමතිපාල දියගහගේ)                                            
 

ලංගම ගාල්ල ඩිපෝවෙන් ටිකට් මැෂිමක් සොරකම් කර මගීන්ට ව්‍යාජ ටිකට්පත්දී රුපියල් ලක්ෂ ගණනක් වංචා කරන ලද ගාලු ඩිපෝවේ බස් කොන්දොස්තරවරයෙකු අද (22) දහවල් ගාල්ල පොලිසිය අත්අඩංගුවට ගෙන තිබේ.       

මෙසේ අත්අඩංගුවට ගෙන ඇත්තේ ගාල්ලේ සිට වඳුරඹ හරහා තලාව දක්වා ධාවනය වූ බස්රථයේ කොන්දොස්තරවරයායි.

පසුගිය වසරේ ජුනි මාසයේ මෙම ට්කට් මැෂිම සොරකම් කර ඇති බවත් එදා සිට අද දක්වා කාලය තුළ කොන්දොස්තරවරුන් කිහිපදෙනෙකු අතරේ මෙම මැෂිම හුවමාරු කරගනිමින් මෙම වංචාව සිදුකර ඇති බවත් පොලිසිය පවසයි.

ගාල්ල ඩිපෝවේ පරිගණක දත්ත ක්‍රියාකරුගේ සටහන් අනුව මෙම මැෂිමෙන් වංචා කර ඇති මුදල රුපියල් පන් ලක්ෂයකට වැඩි බවද පොලිසිය පවසයි.

පරිගණක දත්ත ක්‍රියාකරුගේ සහ ඩිපෝ අධිකාරිවරයාගේ පැමිණිල්ලක් මත ලංගම නිලධාරීන්ද සමග ගොස් බස්රථයේදීම සැකකාර කොන්දොස්තරවරයා අත්අඩංගුවට ගෙන ඇත.