(අජිත්ලාල් ශාන්තඋදය සහ ජයන්ත නානායක්කාර)
ඉරිදියේ පැවැත්වෙන ජනාධිපතිවරණයේ ආරක්ෂක කටයුතු ශක්තිමත් කිරීම සඳහා ලංකාවේ සෑම පොලිස්ථානයක්ම කේන්ද්රගත කරගනිමින් පොලිස්ථාන මෙහෙයුම් මැදිරි ස්ථානගත කර අවසන් බව පොලිස් මාධ්ය ප්රකාශක පොලිස් අධිකාරී රුවන් ගුණසේකර මහතා අද (26) ඇඹිලිපිටියේ පැවති මාධ්ය සාකච්ඡාවකදී පැවසීය.
ජනාධිපතිවරණය සඳහා නාමයෝජනා බාරගැනීමේ දිනයේ දී ඊට අවශ්ය ආරක්ෂාව තර කිරීම සඳහා කටයුතු සූදානම් කර ඇති බව ද කී පොලිස් මාධ්ය ප්රකාශකවරයා ලංකාවේ ඇති සෑම පොලිස් කොට්ඨාසයකම කොට්ඨාස මෙහෙයුම් මැදිරි ද ස්ථාපිත කර අවසන් බව ද පැවසුවේය.
පොලිස් මෙහෙයුම් මැදිරිවලින් ලැබෙන පැමිණිලි විභාග කිරීමත් නීති උල්ලංඝණය කිරීම් සම්බන්ධව සොයා බලා ඊට අවශ්ය නීත්යානුකූල පියවර ගැනීමත්, මැතිවරණ කොමිසන් සභාවේ සම්බන්ධීකරණයන් සිදු කිරීමත්, පොලිස්ථාන මෙහෙයුම් මැදිරි මගින් සිදුවන බවද පොලිස් මාධ්ය ප්රකාශකවරයා සඳහන් කළේය.
පොලිස් කොට්ඨාස මෙහෙයුම් මැදිරි මගින් පොලිස්ථානවල පිහිටවූ මෙහෙයුම් මැදිරි හා පොලිස් මූලස්ථානයේ ඇති මැතිවරණ ලේකම් කාර්යාල සම්බන්ධීකරණය කිරීමත් සිදුවන බවද පැවසුවේය.
සෑම මැතිවරණයකදී සිදුකරන පරිදි ඉදිරියේ පැවැත්වෙන ජනාධිපති මැතිවරණයේ දී ද රාජගිරියේ පිහිටි මැතිවරණ කොමිසන් සභාවට ශ්රී ලංකා පොලිසියෙන් නියෝජ්ය පොලිස්පතිවරයෙකුගේ සහ පොලිස් අධිකාරීවරයෙකුගේ නායකත්වයෙන් යුතු පොලිස් කණ්ඩායමක් අනුයුක්ත කර ඇති බවද පොලිස් මාධ්ය ප්රකාශකවරයා සඳහන් කළේය.
නාමයෝජනා බාරදීමේ දිනයේ දී මැතිවරණ කොමිසන් සභාව සහ ඒ අවට විශේෂ ආරෂිත වැඩපිළිවෙලක් සහ රථවාහන සැලැස්මක් ද ක්රියාත්මක කිරිමට සැලසුම් කර ඇති බවද පොලිස් මාධ්ය ප්රකාශක රුවන් ගුණසේකර මහතා පැවසුවේය.
ශ්රී ලංකාවේ පැරණිතම සහ විශාලතම මෝටර් රථ සංවිධානය වන ලංකා ඔටෝමොබයිල් සංගමය (AAC), ’’මෝටර් රථ හිමියන්ගේ හඬ’’ සහ ’’මෝටර් රථ හවුල්කරු’’ ලෙස ප්රසිද්ධය. රට තු
ශ්රී ලංකාවේ ප්රමුඛතම මූල්ය සමාගමක් වන සියපත ෆිනෑන්ස් පීඑල්සී සිය දීප ව්යාප්ත ශාඛා ජාලයේ 54 වැනි ශාඛාව පසුගියදා කඩුවෙල නගරයේදී විවෘත කෙරිණ.
ශ්රී ලංකා ඉන්ෂුවරන්ස් ලයිෆ් තම වාර්තාව අභිබවා යමින් මෙරට රක්ෂණ ඉතිහාසයේ දැවැන්තම බෝනස් දීමනාව වන රුපියල් බිලියන 12.5 ක ජීවිත රක්ෂණ බෝනස් දීමනාව 2024 වසර
ජනාධිපතිවරණය වෙනුවෙන් විශේෂ පොලිස් මෙහෙයුම් මැදිරි