(එච්. චන්දන)

පුත්තලම පොලිසියේ නිලධාරීන්ට ලැබුණු තොරතුරකට අනුව වටිනාකම තක්සේරු කළ නොහැකි ගජමුතු 02 ක් සමඟ පුද්ගලයෙකු අද (01)  පුත්තලම මනගුණ්ඩු ප්‍රදේශයේදී  අත්අඩංගුවට ගෙන ඇත.

මෙම වටිනා ගජමුතු දෙක සමඟ හෙරෝයින් මිලි ග්‍රෑම්  620 ද සැකකරු සන්තකයේ තිබී පොලිස් නිලධාරීන් සොයා ගෙන තිබේ.

මොහු  කලක සිට හෙරොයින් මත් කුඩු ජාවාරමේ යෙදී ඇති බවත් සැකකරු මෙම ගජමුතු දෙක වනාතවිල්ලුව - එළුවන්කුලම ප්‍රදේශයේ අයකුගෙන් ලබා ගෙන ඇති බවත් එය විකිණීමට සුදානමින් සිටි බවත් මූලික පොලිස් විමර්ශන වලදී  අනාවරණය වී ඇත.

සැකකරු පුත්තලම අධිකරණයට ඉදිරිපත් කිරීමට නියමිත අතර පුත්තලම පොලිසිය වැඩිදුර විමර්ශන සිදු කරයි.