(බිමල් ශ්‍යාමන් ජයසිංහ)

කළුතර උතුර දෙදියවල සල්ගස් වත්ත මාවතේ ඇළඉවුර අසල තිබී අද (11) ජීව අත්බෝම්බයක් හමුවී ඇති බව කළුතර උතුර පොලිසිය කියයි..

දෙදියවල ශී‍්‍ර සුදර්ශනාරාම ධර්මාරාම පිරිවෙන් පුරාණ මහා විහාරය ඉදිරිපිට ඇති ඇළ මාර්ගයේ කිරිමැටි කපමින් සිටි අයෙකු දැක පොලිසිය දැනුවත් කිරීමෙන් පසු ස්ථානයට පොලිස් ආරක්‍ෂාව යොදා තිබිණි.

බෝම්බය නිෂ්ක්‍රීය කිරිම සඳහා අධිකරණ නියෝගයක් ලබාගැනීමට කටයුතු කර ඇති බවත් කටුකුරුන්ද විශේෂ කාර්ය බළකා බෝම්බ නිශ්කී‍්‍රය කණ්ඩායම දහවල් වනවිට පැමිණීමට නියමිත බවත් පොලිස් නිලධාරියෙක් පැවසීය.

කලක් යුද්ධ හමුදාව භාවිතා කළ ජේ ආර් (82-2) වර්ගයේ අත්බෝම්බයක් බව පොලිස් නිලධාරියෙකු ප‍්‍රකාශකළ අතර එහි ආරක්‍ෂක ඇණය (සේෆ්ටි පින් එක) ගැලවී ගොස් තිබු අයුරු දැකගත හැකිවිය.