(ඔගස්ටින් ප‍්‍රනාන්දු)                                                                    

පුත්තලම  මුක්කුතොඩුවාව වැල්ලවත්ත ප්‍රදේශයේ නිවසක  කුස්සියේ පෝරණුව මත සිට සෙල්ලමි කරමින් සිටි දරු දෙදෙනෙකුගෙන් එක් දරුවෙකු ඉන් බිමට වැටි  මියගොස් ඇතැයි මුන්දලම පොලිසිය පවසයි.

මෙසේ මිය ගොස් ඇත්තේ හත් හැවිරිදි පසිදු ආලෝක නමැති දරුවෙකි . 

මෙම දරුවාගේ මව්පියන් නිවසින් පිටතට යන අවස්ථාවල දි දරුවා අසල්වැසි නිවසක රවටා යාමට පුරුදුව ඇති අතර ඊයේ ( 21 )  සවස ද දරුවා එලෙසින්ම එම නිවසෙහි රඳවා ගොස් ඇති බවත් කියයි.

එහිදි දරුවා එම නිවසේ වෙසෙන තවත් සම වයසේ දරුවෙකු සමඟ සෙල්ලමි කරමින් සිටියදී මෙම අනතුරට මුහුණ දී තිබේ.

මිය ගිය දරුවාගේ සිරුරෙහි කිසිදු බාහිර තුවාල ලකුණු නිසිවක් දක්නට නොවු අතර දරුවාට හදිසියේ වැළදී ඇති හෘද අමාරුවකින් මෙම මරණය සිදු වන්නට ඇති බව සැක කළ හැකි බවත් පොලිසිය කියයි .

සිද්ධිය සම්බන්ධයෙන් මුන්දලම පොලීසිය පරීක්ෂණ පවත්වයි.

ඡායාරූප - හිරාන් ප්‍රියංකර