2023 පෙබරවාරි මස 09 වන බ්රහස්පතින්දා
කිලෝ දෙකක කේරළ ගංජා සමඟ දෙදෙනෙක් අල්ලයි
(එල්. ජව්ෆරකාන්)
කුරුණෑගල සිට මඩකලපුවට කිලෝ දෙකක කේරලා ගංජා තොගයක් රැගෙන ආ පුද්ගලයින් දෙදෙනෙකු මඩකලපුව පොලිසිය විසින් අත්අඩංගුවට ගෙන ඇත.
අත්අඩංගුවට ගත් පුද්ගලයන් සතුව තිබී කිලෝ දෙකක ගංජා, ජංගම දුරකථනය සහ ඔවුන් පැමිණි වාහනය පොලිසිය බාරයට ගෙන ඇත.
මඩකලපුව පොලිසියට ලැබුණු රහසිගත තොරතුරකට අනුව මඩකලපුව පොලිස් කොස්තාපල්වරුන් කණ්ඩායමක් මඩකලපුව කොළඹ ප්‍රධාන මාර්ගයේ සත්තුරු කොන්ඩාන්හිදී කළ සෝදිසි මෙහෙයුමකදී සැකකරුවන් අත්අඩංගුවට ගෙන ඇත.
ඔවුන් පැමිණ වාහනය පොලිස් ස්ථානයට රැගෙන ඒමෙන් පසු සුනඛයින් යොදා පරීක්ෂා කිරීමේදී ආසනය යට මිලිග්‍රෑම් 500ක ආදර්ශ ගංජා පැකට් සොයාගත් බව පොලිසිය පැවසීය.
අත්අඩංගුවට ගත් සැකකරුවෝ කුරුණෑගල මල්කඩුවාව ප්‍රදේශයේ පදිංචි 30 සහ 38 අතර වයස්වල පුද්ගලයෝ වෙති.
ඔවුන් සතුව තුබූ ගංජා යාපනය සිට පැමිණි එක් පුද්ගලයෙකු විසින් ඔවුන්ට විකුණූ බවත් ඒවා මඩකලපුව ප්‍රදේශයේ ව්‍යාපාරිකයෙකුට විකිණීම සදහා ගෙන ආ බවත් පොලිස් මූලික පරීක්ෂණවලින් හෙළිවී ඇත.
අත්අඩංගුවට ගත් පුද්ගලයින් මඩකලපුව මහේස්ත්‍රාත් අධිකරණයට ඉදිරිපත් කිරීමට නියමිතය.
මඩකලපුව මුලස්ථාන පොලිසිය මේ සම්බන්ධ වැඩිදුර පරීක්ෂණ පවත්වයි.
