කවීතා සුබසිංහ
 
 
ගෙවල් බිඳ දේපල සොරා ගැනීම් රැසකට මෙන්ම දුම්රියේ හා මාර්ගවල ගමන් ගන්නා කාන්තාවන්ගේ ගෙල බැදී රන් මාල කොල්ලකෑමෙන් අපරාධ නවයකට සම්බන්ධ සැකකරුවන් තිදෙනෙකු රාගම වල්පොල දී අත්අඩංගුවට ගත් බව රාගම පොලිසිය කියයි.
 
වල්පොල ප්‍රදේශයේ පදිංචි අවුරුදු 24, 28 හා 37 යන වයස්වල පසුවන තිදෙනෙකු මෙලෙස අත්අඩංගුවට ගෙන ඇත.
 
පසුගිය 28 වැනි දා උදෑසන 24 හැවිරිදි සැකකරු අත්අඩංගුවට ගෙන අති අතර පසුව ඔහුගෙන් කළ ප්‍රශ්න කිරීම්වලදී අනාවරණය කර ගත් තොරතුරු මත සෙරකම් වලට සම්බන්ධ අනෙක් සැකකරුවන් දෙදෙනා එදින සවස අත්අඩංගුවට ගත් බව පොලිසිය පවසයි.
 
සොරා ගත් රන් භාණ්‌ඩ රාගම, කදාන, වත්තල, ජා ඇල හා කිරිබත්ගොඩ යන ප්‍රදේශවල උකස් මධ්‍යස්ථානය වලට උකස් කර තිබියදී සොයා ගෙන තිබේ.
 
සැකකරුවන් වත්තල මහෙස්‌ත්‍රාත් අධිකරණය වෙත ඉදිරිපත් කිරිමට නියමිතය.