(ඉන්දිකා රාමනායක)

විශේෂ කාර්ය බලකායේ 12 වැනි අණදෙන නිලධාරිවරයා වශයෙන් නියෝජ්‍ය පොලිස්පති   ලයනල් ගුණතිලක මහතා අද  (10) සිය ධුරයේ වැඩ බාර ගත්තේය.
 
විශේෂ කාර්ය බලකා මුලස්ථානයේ   අද  පෙරවරුවේ පැවති   චාම් උත්සවයකින් අනතුරුව ආගමික වතාවත් මැද නව අනදෙණ නිලධාරිවරයා  සිය ධුරයේ වැඩ බාරගත්තේය. 
 
සර්ව ආගමිත වතාවත් මැද සුබ ලයනල් ගුණතිලක මහතා සුබ මොහොතින් ඒ මහතා සිය ධුරයේ වැඩ බාරගත් අවස්ථාව ඡායාරූපයෙන් දැක්වේ.
 
1985 ජනවාරි මස 20 දින   උප පොලිස් පරීක්ෂකවරයකු වශයෙන්  පොලිස් දෙපාර්තමේන්තුවට එක්ව ඇති  ලයනල් ගුණතිලක මහතා 1986 මාර්තු මස 20 දින  7 වැනි බ`දවා  ගැනීම  පාඨමාලාව යටතේ   විශේෂ කාර්ය බලකායට  බැදී ඇත.
 
 වසර 10 ට කාලයක් පුරා විශේෂ කාර්ය බලකා තුළ විශේෂ මෙහෙවර  ඉටුකළ ඒ මහතා  පසුව  විශේෂ කාර්ය බලකායෙන්  ඉවත්ව 1995 වසරේ දී   ප‍්‍රධන  පොලිස් පරීක්ෂකවරයකු ලෙසට  උසස්වීමෙන් පසුව විශේෂ කාර්ය බලකායට සමුදී සාමන්‍ය පොලිස් සේවයට එක්ව   තිබිණි.
 
 සහකාර  පොලිස් අධිකාරි,   පොලිස්  අධිකාරි,  හා ජ්‍යෙෂ්ඨ පොලිස් අධිකාරි  වශයෙන් පොලිසියේ නොයෙක් තනතුරු  හෙඹවු ඒ මහතා කොළඹ උතුර  කොට්ඨාසය බාර ජ්‍යෙෂ්ඨ පොලිස් අධිකාරිවරයා වශයෙන් කටයුතු  කරන අතරතුර 2019 වසරේ අප්‍රෙල් මස 6 වැනි දින සිට  යළිත් විශේෂ කාර්ය බලකායට කැදවා  මේ දක්වා එහි නියෝජ්‍ය අනදෙන නිලධාරී වශයෙන් කටයුතු කරමින් සිටියේය.
 
නියෝජ්‍ය පොලිස්පති  ලයනල් ගුණතිලක මහතා දක්ෂ බොක්ෂින් කී‍්‍රඩකයකු වු අතර 1983 වසරේ සිට  පොලිස් බොක්ෂින් කණ්ඩායම නියෝජනය කරමින්  පොලිසිය වෙත  ජයග‍්‍රහණ රැසක්  අත්කර දීමට සමත් වුහ.