(දිලීප් ජයසේකර)

අධික ලෙස ජනතාව නගරයට ඇදී ඒම වැළැක්විම සඳහා විශේෂ අවසර පත්‍රයක් හඳුන්වා දිමට සුරියවැව කොරෝනා කමිටුව තීරණය කල බව සුරියවැව ප්‍රාදේශීය සභාවේ සභාපති ජනක එරන්ද මහතා අද (06) පැවසීය.
 
ඒ අනුව එක් පවුලක් සදහා නම් කරනු ලබන එක් පුද්ගලයෙකු වෙත මෙම විශේෂ අවසර පත්‍රය නිකුත් කිරීමට පියවර ගත් බවත් එම අවසර පත්‍රය ප්‍රදේශයේ ග්‍රාම සේවා නිළධාරි මගින් අද (06) දිනයේදී ජනතාව වෙත නිකුත් කිරීම සිදු කල බවත් සභාපති වරයා පැවසීය.

අධික ලෙස හා අනවශ්‍ය ලෙස පවුලේ තුන් හතර දෙනා නිකරුනේ නගරයට ඇදී ඒම වළක්වා ගැනීමටත්,නගරයේ කඩ වලට හා සතොස ඉදිරිපිට අනවශ්‍ය ලෙස පවුලේ දෙතුන් දෙනා පෝලිම් වල රැදී සිටීම වැළැක්වීම සදහාත් මෙම පියවර ගත් බවයි සභාපති වරයා පැවසුවේ.
 
ඒ අනුව රට තුළ ඇති වි ඇති මෙම අයහපත් සෞඛ්‍ය තත්වය පහව යන තුරු අද (06)  නිකුත් කෙරුණු මෙම අවසර පත්‍රය   හිමි පුද්ගලයාට පමණක් නගරයට යාමට අවසර ලබා දීමට කටයුතු කරන බවයි සභාපති වරයා පැසුවේ.මේ සියළු තින්දු තීරණ ජනතාවගේම යහපත හා ආරක්ෂාව පිණිස ලබාදුන් තීන්දු තීරණ බවයි ඔහු වැඩිදුරටත් පැවසුවේ.