(හිරාන් ප්‍රියංකර ජයසිංහ)
ආණමඩුව උප්පලවත්ත රඹාවැව ප්‍රදේශයේ අනියම් සැමියාගේ අමානුෂික පහර කෑමට ලක්වු 43 හැවිරිදි විවාහක කාන්තාවක් අද (11) මරණයට පත්ව ඇති බව ආණමඩුව පොලිසිය කියයි.

මෙසේ මරණයට පත්ව ඇත්තේ කුලියාපිටිය කොබෙයිගනේ පදිංචි විවාහක කාන්තාවක් වන මදුරප්පුලිගේ දිපාන්දනී නැමති 43 හැවිරිදි කාන්තාවක් බව කියයි.

මරණයට පත් කාන්තාව දෙදරු මවක් වන බවත් ඇයගේ සැමියාගෙන් වෙන්ව ජීවත් වන බවද කියයි. එම කාන්තාව, ඇයගේ දියණියන්ට ඇඟලුම් කාර්මාන්ත ශාලාවල සේවයට යන බව පවසමින් නිවසින් පැමිණ ඇති බවද කියයි.

මරණයට පත් කාන්තාව මාසයකට වැඩි කාලයක් ඇගේ ඝාතනය සිදුකරන ලද බව කියන සැකකරු සමග ජීවත්ව වන බවද ඊයේ (10) දින රාත්‍රියේ දෙදෙනා අතර බහින් බස් විමක් ඇතිවි ඉන් පසුව ඝාතනයට සම්බන්ධ සැකකරු  විසින් පොල්පිති වලින් පහර දී ඉන් පසුව පොරවකින්ද පහර දී ඇති බවද, එහිදී අධික ලෙස රුධිර වහනය වීමකට ලක්ව නිවසේ වැටි සිට ඇත.

 ඝාතනය සම්බන්ධව අනියම් සැමියා අත්අඩංගුවට ගෙන ඇති අතර අදාල මරණය සම්බන්ධව මහෙස්ත්‍රාත් පරික්ෂණය අද (11) දහවල් පැවැත්වීමට ආණමඩුව මහෙස්ත්‍රාත්වරිය පැමිණීමට නියමිතව තිබුණි.