(ඉන්දිකා රාමනායක සහ දසුන් රාජපක්ෂ)
 
බස්නාහිර පළාත තුළ  විවිධ වැරදි හේතුවෙන් අධිකරණය මගහැර සිටින  වරෙන්තුකරුවන් අත්අඩංගුවට ගැනීම සඳහා  පැය 8 ට අධික කාලයක් පුරා කළ හදිසි සෝදිසි මෙහෙයුමකදී  වරෙන්තුකරුවන් 340 දෙනකු අත්අඩංගුවට ගත් බව පොලිසිය  කියයි.
 
මෙම  පිරිස අතරින් 197 දෙනකු  අධිකරණයෙන් විවෘත වරෙන්තුකරුවන් ලැබ සිටි පුද්ගලයන් බවද පොලිසිය සඳහන් කරයි.
 
ඊයේ (15) පෙරවරු 8.00 සිට පස්වරු 4.00 දක්වා පොලිස් ස්ථාන  කළ සෝදිසි මෙහෙයුමේ දී  මෙම පිරිස අත්අඩංගුවට ගත් බවද පොලිසිය සඳහන් කරයි.
 
බස්නාහිර පළාතා බාර  ජ්‍යෙෂ්ඨ නියෝජ්‍ය පොලිස්පති   දේශබන්දු තෙන්නකෝන් මහතාගේ උපදෙස් හා අධීක්ෂණය යටතේ සිදුකළ මෙහෙයුමට   බස්නාහිර පළාතේ පොලිස් ස්ථාන 110 ක නිලධාරීන් සහභාගී වු බවත්  ඉදිරියේදීත් මෙම මෙහෙයුම් තවදුරටත් සිදුකරන බවද පොලිසිය පවසයි.