(ජේ.කේ.එල්.චාමින්ද, ඩී. ජේ. විජේසිංහ සහ සුමතිපාල දියගහගේ)
 
අකුණුසැර වැදීමෙන් පිය පුතු දෙපලක් අද (22) මියගොස් ඇති බව පිටිගල පොලිසිය  පවසයි.
 
මියගොස් ඇත්තේ  මත්තක ගමගේ සුගතදාස(60) හා මත්තක ගමගේ කැළුම් (29 නැමති පිය පුතු දෙපලකි. 
 
මොවුන් දෙදෙනා වැයිහේන අංකොටුවල ප්‍රදේශයේ තේ ඉඩමක වල් නෙළමින් සිට තිබේ. වර්ෂාව  නිසා  වල් නෙළීම නවතා පැළට වී තේ පානය කරමින් සිටියදී අකුණුසැර වැදී ඇති බව පරීක්ෂණවලදී අනාවරණය වී ඇත.
 
අසළ තිබූ මාර ගසට අකුණ වැදී මොවුන්ට අකුණු සැර වැදී ඇත.
 
ඇල්පිටිය රෝහලට රැගෙන ගොස් ඇති අතර ඒ වනවිටත් පිය පුතු දෙදෙනා මියගොස් සිටි බව රෝහල් ආරංචි මාර්ග සඳහන් කරයි.
 
පිටිගල පොලිසිය පරික්ෂණ පවත්වයි.