(බිඟුන් මේනක ගමගේ) 
 
ඒකාබද්ධ විපක්ෂය ලද විශාලතම ජයග්‍රහණය වන්නේ ශ්‍රී ලංකා පොදුජන පෙරමුණ පිහිටුවා පළාත් පාලන මැතිවරණය ජයග්‍රහණය කිරීම යැයි ද එහි සම්පූර්ණ ගරුත්වය හිමිවිය යුත්තේ බැසිල් රාජපක්ෂ මහතාට යැයි ද දිගාමඬුලු දිස්ත්‍රික් පාර්ලිමේන්තු මන්ත්‍රී විමලවීර දිසානායක මහතා පැවැසීය.
 
නොයෙක් පිරිස් 2020ට ඉදිරිපත් වන විවිධ නායකයන් ගැන කතා කළත් එවැනි සාකච්ඡා කිරීමට හෝ හැකි වාතාවරණයක් නිර්මාණය කෙරුණේ බැසිල් රාජපක්ෂ මහතා නිසා බව අමතක නොකළ යුතු යැයි ද දිසානායක මහතා අවධාරණය කළේය.
 
දහසයේ කණ්ඩායම ඒකාබද්ධ විපක්ෂය සමඟ සමගි සාකච්ඡාවලට අද පැමිණෙන්නේ පළාත් පාලන මැතිවරණයෙන් ලද ජය නිසා යැයි කී හෙතෙම එහි ප්‍රතිඵල අනෙක් පැත්ත හැරුණේ නම් ඔවුන් කිසි දිනෙක ආණ්ඩුවෙන් එලියන නොබසිනු ඇතැයි ද කීවේය.
 
විමලවීර දිසානායක යනු ශාඛා සමිතියේ සිට වසර 36 ක් තිස්සේ දහඬිය කඳුළු හෙලමින් පැමිණි තම දේශපාලන ගමනේදී මහින්ද රාජපක්ෂ මහතා වෙනුවෙන් ඇමැතිකමත් සංවිධායකකමත් පරිත්‍යාග කළ කෙනෙකු යැයි ද එනිසා කිවයුත්ත කෙලින්ම කීමට කිසිවිටෙක මැලි නොවන්නේ යැයි ද දිසානායක මහතා වැඩිදුරටත් සඳහන් කළේය.