(රන්න චන්ද්‍ර සේන ගමගේ)

රණසිංහ ප්‍රේමදාස මහතා විසින් පාසැල් සිසුන් සඳහා ලබා දුන් දිවා ආහාරය මහින්ද රාජපක්ෂ රජය පවතින කාලයේදී නතර විය. පසුගිය රජය විසින් නතර කරන ලද එම දිවා ආහාරය මේ රටේ හතලිස් ලක්ෂයක් වූ පාසැල් සිසුන්ට නැවත ලබා දෙන්නට තමා පියවර ගන්නා බව ජනාධිපති අපේක්ෂක සජිත් ප්‍රේමදාස මහතා අද (26) පෙරවරුවේ ඇඹිලිපිටියේ පැවති ජනහමුවකදී පැවසීය.

කොළොන්න ආසනයේ එජාප ප්‍රධාන සංවිධායක පී.අබේනායක මහතා විසින් සංවිධානය කරන ලද එම ජනහමුවේදී වැඩිදුරටත් අදහස් දැක් වූ සජිත් ප්‍රේමදාස මහතා පැවසුවේ මේ රටේ හත් වැනි විධායක ජනාධිපති වරයා වශයෙන් තමන් පත් වූ වහාම මෙම දිවා ආහාරය ලබා දෙන බවත් ඉන් නොනැවතී තමන් සෑම පාසැල් සිසුවෙකුටම නිලඇඳුම් කට්ටල දෙකක්ද, පාවහන් යුගල දෙකක්ද ලබා දෙන බවත් පැවසීය.

එමෙන්ම දේශපාලකයින් විසින් විනාශ කරන ලද ඇඹිලිපිටියේ කඩදාසි කම්හල තමා යටතට ගෙන එය දියුණුකර ඇඹිලිපිටියේ ජනතාවට රැකියා ලබා දෙන්නට පියවර ගන්නා බවද ඔහු පැවසීය.