2023 අප්රේල් මස 02 වන ඉරිදා
ජාතීන් අනෝන්‍ය වශයෙන් යා කරන පාලම භාෂාවයි - අගමැති
(සුජිත් හේවාජුලිගේ)
ප්‍රධාන පක්ෂ දෙකට එකට එකතුවීමට සිදු වුණේ යුද්ධය අවසන් වුවත් රටේ සාමය ඇති නොවුණ නිසා යැයි අගමැති රනිල් වික්‍රමසිංහ මහතා පැවැසීය.
රටේ ලොකු සංහිදියාවක් ඇති කිරීමට පසුගිය අවුරුදු තුනේදී හැකියාව ලැබුණු බව කී අගමැතිවරයා ජාති භේද ආගම් භේද උපරිම දුරකට සීමා කරගෙන ඇතැයිද ප්‍රකාශ කළේය.
ජාතීන් අනෝන්‍ය වශයෙන් යා කෙරෙන පාලම භාෂාව යැයිද ඔහු කීය.
අගමැතිවරයා මේ බව පැවසුවේ කොළඹ සුගතදාස ගෘහස්ථ ක්‍රීඩාංගණයේදී අද (26) පැවැති සිංහල දෙමළ ද්වි භාෂා තරගවලින් ජයගත් පාසල් සිසු සිසුවියන්ට ත්‍යාග සහතිකපත් පිරිනැමීමේ උත්සවයේදීය.
ජනාධිපති මෛත්‍රිපාල සිරිසේන මහතාගේ ප්‍රධානත්වයෙන් පැවැති මෙම උත්සවය සංවිධාන කරනු ලැබුවේ ජාතික එකාබද්ධතා සංහිදියා හා රාජ්‍ය භාෂා අමාත්‍යංශය විසිනි.
ගුවන් විදුලි සේවාවන් නවයක් ඔස්සේ විකාශනය කෙරුණු ද්විභාෂා තරගවලින් ජයගත් පාසල් සිසු සිසුවියෝ 3789 දෙනෙක් මෙහිදී ඇගයීමට ලක්වූහ.
(ඡායාරූප - ඉෂාන් සංජීව)
