2023 පෙබරවාරි මස 08 වන බදාදා
(නිමල කොඩිතුවක්කු)
වසරේ මුල් මාස දෙක තුළ ෆේස්බුක් හා සම්බන්ධ පැමිණිලි 407ක් ලැබී ඇතැයි පරිගණක හදිසි ප‍්‍රතිචාර සංසදයේ තොරතුරු ආරක්ෂණ ඉංජිනේරු රවිදු මීගස්මුල්ල මහතා පැවැසීය.
ෆේස්බුක් ගිණුම්වලට අනවසරයෙන් ඇතුළු වීම සහ ව්‍යාජ ගිනුම් නිර්මාණය කර පවත්වාගෙන යාම සම්බන්ධයෙන් මෙම පැමිණිලි ලැබී ඇතැයිද ඔහු සඳහන් කළේය.
පසුගිය වසරේදී පමණක් ෆේස්බුක් හා සම්බන්ධ පැමිණිලි 2505ක් ලැබී තිබූ බවද ඒ මහතා පැවැසීය.
ඉන් ගිණුම් විශාල ප‍්‍රමාණයක් අත්හිටුවීමට මේ වනවිට කටයුතු කර ඇති බවද මීගස්මුල්ල මහතා වැඩිදුරටත් කීය.
