(නිමන්ති රණසිංහ සහ ඉන්දිකා රාමනායක)

ව්‍යාජ ලෙස පී.සී.ආර්. වාර්තා සකස්කර විදෙස් ගතවන පුද්ගලයන්ට මුදලට අලෙවි කළ පුද්ගලයින් තිදෙනකු ව්‍යාජ පී.සී.ආර්. වාර්තා17ක්ද සමග කොච්චිකඩේ සහ රත්දොළුගම ප්‍රදේශවලින්  අත්අඩංගුවට ගත් බව විශේෂ කාර්ය බලකාය පවසයි.

මෙම සැකකරුවන් වයස අවුරුදු 21 ත් 37 ත් අතර පුද්ගලයන් වෙන බවද පොලිසිය සදහන් කරයි.

ව්‍යාජ පී.සී.ආර්. වාර්තාව ලබා දීම සඳහා මෙම සැකකරුවන් භාවිත කරන ලදපරිගණක යන්ත්‍රයක්, ජංගම දුරකථන 05 ක් සහ පෙන් ඩ්‍රයිව් 02 ක් දව්‍යාජ පී.සී.ආර්. වාර්තා17 ක්ද අත්අඩංගුවට ගත් බව පොලිස් විශේෂ කාර්ය බලකාය පවසයි.

ගුවන් හමුදා බුද්ධි ඒකකයෙන් ලද තොරතුරකට අනුව විශේෂ කාර්ය බලකාය ගෝනහේන කඳවුරේ පොලිස් පරික්ෂක එච්.එම්.වි.ජි.ටි. බංඩාර ඇතුළු නිලධාරීන් කණ්ඩායමක් විසින් කොච්චිකඩේ පොලිස් වසමේ කොච්චිකඩේ, පෝරතොට මස්කඩේ අසල දී මෙම වැටලීම සිදුකර ඇතැයිද පොලිස් විශේෂ කාර්ය බළකාය කියයි.

සිද්ධිය සම්බන්ධ වැඩිදුර විමර්ශන කටයුතු සඳහා සැකකරුවන් ඇතුළු අත්අඩංගුවට ගත් භාණ්ඩ රත්දොළුව පොලිස් ස්ථානයට භාර දී තිබේ.